ప్రస్తుతం టాలీవుడ్‌లో రీ-రిలీజ్‌ల ట్రెండ్ ఉంది. బ్లాక్‌బస్టర్ సినిమాలు రీ-రిలీజ్ అయిన తర్వాత కూడా ప్రేక్షకులు థియేటర్ల కోసం క్యూ కడుతున్నారు. రామ్ చరణ్ లవ్ ఎంటర్‌టైనర్ ఆరెంజ్ ఈ ఏడాది ఫిబ్రవరి 14న తిరిగి విడుదలైంది. రామ్ చరణ్, జెనీలియా నటించిన లవ్ అండ్ రొమాంటిక్ మూవీ థియేటర్లలో సంచలనం సృష్టించింది. ఇటీవలే మరో టాలీవుడ్ బ్లాక్‌బస్టర్ మూవీ సీతమ్మ వాకిట్లో సిరిమల్లె చెట్టు ప్రేక్షకుల ముందుకు వచ్చింది. ఈ సినిమా మరోసారి థియేటర్లలో ప్రేక్షకులను అలరించింది. విక్టరీ వెంకటేష్, మహేష్ బాబు, సమంత, అంజలి ఈ సినిమాలో కీలక పాత్రలు పోషించారు.
మరో సూపర్ హిట్ సినిమా రీ-రిలీజ్‌కు సిద్ధంగా ఉంది. కోలీవుడ్ స్టార్ హీరో కార్తీ బ్లాక్‌బస్టర్ మూవీ యుగానికి ఒక్కడు (ఆయిరత్తిల్ ఒరువన్) మరోసారి థియేటర్లలో సందడి చేస్తుంది. 2010లో థియేటర్లలో విడుదలైన ఈ సినిమా పెద్ద హిట్ అయింది. ఈ విజువల్ వండర్ చిత్రానికి సెల్వరాఘవన్ దర్శకత్వం వహించారు. కార్తీతో పాటు, ఆండ్రియా, రీమా సేన్ ఈ సినిమాలో తమ నటనతో ప్రేక్షకులను ఆకట్టుకున్నారు.
ఇటీవల యుగానికి ఒక్కడు దాదాపు 15 సంవత్సరాల తర్వాత తిరిగి విడుదల కానుంది. ఈ నెల 14న థియేటర్లలోకి వస్తుందని మేకర్స్ అధికారికంగా ప్రకటించారు. దీనిని ఏపీ, తెలంగాణ, కర్ణాటక, అమెరికాలో తిరిగి విడుదల చేయనున్నట్లు వెల్లడించారు. ఇదిలా ఉండగా.. ఈ సినిమా తెలుగు వెర్షన్ ఇప్పటికే ఆహా OTT, అందుబాబులలో అందుబాటులో ఉంది. తమిళ వెర్షన్ సన్‌నెక్స్ట్‌లో ప్రసారం అవుతోంది.
Related News
