ఈ ఏడాది ఏపీ తీవ్ర వాతావరణ పరిస్థితులను ఎదుర్కొంటోంది. అల్పపీడనాలు ఒకదాని తర్వాత ఒకటిగా వస్తూ ఏపీని చాలా ఇబ్బందులకు గురిచేస్తున్నాయి.
2024 కొన్ని రోజుల్లో ముగుస్తున్న సంగతి తెలిసిందే. అయితే అంతకంటే ముందే మరో రెండు అల్పపీడనాలు ఏర్పడడం ఖాయమని వాతావరణ శాఖ ప్రకటించింది. ఈ రెండు తీవ్ర అల్పపీడనాల్లో ఒకటి ఇప్పటికే తీరం వైపు కదులుతోంది. బుధవారం నాటికి అల్పపీడనం తీవ్ర అల్పపీడనంగా మారుతుందని, రానున్న 24 గంటల్లో వాయువ్య దిశగా ఉత్తర తమిళనాడు, దక్షిణ కోస్తా దిశగా పయనిస్తుందని వాతావరణ శాఖ నిపుణులు చెబుతున్నారు.
ఈ తీవ్ర అల్పపీడనం వాయువ్య దిశగా ఉత్తర తమిళనాడు, దక్షిణ కోస్తా దిశగా పయనిస్తుంది. దీని ప్రభావంతో శుక్రవారం వరకు ఏపీ, తమిళనాడు రాష్ట్రాల్లో భారీ వర్షాలు కురిసే అవకాశం ఉందని చెబుతున్నారు. ఇక ఆంధ్రప్రదేశ్ విషయానికి వస్తే.. విజయనగరం విశాఖపట్నం అనకాపల్లి కాకినాడ జిల్లాల్లో భారీ నుంచి అతి భారీ వర్షాలు కురిసే అవకాశం ఉంది.
[news_related_post]శ్రీకాకుళం.. అల్లూరి సీతారామరాజు.. కోనసీమ.. నెల్లూరు.. తిరుపతి జిల్లాల్లో భారీ వర్షాలు కురిసే అవకాశం ఉందని ఐఎండీ చెబుతోంది. మిగిలిన ప్రాంతాల్లో తేలికపాటి వర్షాలు కురిసే అవకాశం ఉంది. తీవ్ర అల్పపీడనం కారణంగా కోస్తా తీరం వెంబడి గరిష్టంగా 55 కి.మీ వేగంతో గాలులు వీస్తాయని తెలిపింది. ఈ మధ్యకాలంలో అల్పపీడనాలు ఒకదాని తర్వాత ఒకటి ఏర్పడుతున్నాయి.
ఇటీవలి కాలంలో చోటుచేసుకున్న వాతావరణ పరిస్థితుల కారణంగా ఒక ప్రత్యేకత ఉంది. సాధారణంగా ఏపీలోని కోస్తా ప్రాంతంలో తీరం దాటాల్సిన అల్పపీడనాలు తమిళనాడును దాటుతుండగా.. తమిళనాడులో తీరం దాటాల్సిన అల్పపీడనాలు ఏపీని కూడా దాటుతున్నాయని ఐఎండీ అధికారులు తెలిపారు. కాగా, ఈ నెలాఖరులోగా మరో అల్పపీడనం వచ్చే అవకాశం ఉందని ఐరాపా వాతావరణ నిపుణులు వెల్లడించారు. అండమాన్ సమీపంలో ఈ అల్పపీడనం ఏర్పడుతుందని చెబుతున్నారు. ఈ ఏడాది చివరి నాటికి ఈ అల్పపీడనం ఎంత తీవ్రంగా ఉంటుందన్నదే ఇప్పుడు ప్రశ్న.
