ప్రతి రైతు రోజూ తెల్లవారే లేచి కష్టపడతాడు. భూమిలో చెమట చిందించి పంటలు పండిస్తాడు. అలాంటి రైతుకి వృద్ధాప్యంలో ఆర్థిక భద్రత అవసరం. దీనికోసం కేంద్ర ప్రభుత్వం ఒక అద్భుతమైన పథకాన్ని ప్రారంభించింది. దీని పేరు ప్రధాన్ మంత్రి కిసాన్ మంధన్ యోజన.
ఈ పథకం ద్వారా రైతులు మాసానికి రూ.3,000 పెన్షన్ పొందవచ్చు. ఏదైనా ఆర్థిక సమస్యలు వచ్చినా ఈ పెన్షన్ చాలా ఉపయోగంగా ఉంటుంది.
ఇది కిసాన్ సమ్మాన్ నిధి కాదు
పెద్ద ఎత్తున రైతులకు తెలిసిన పథకం కిసాన్ సమ్మాన్ నిధే. కానీ, అందులో రూ.2,000 త్రైమాసికంగా ఇస్తారు. కానీ, కిసాన్ మంధన్ యోజన ద్వారా వృద్ధాప్యంలో ప్రతి నెలా ఖచ్చితంగా పెన్షన్ వస్తుంది. అంటే, రైతులు జీవితాంతం ఆర్థికంగా భద్రమైన జీవితం గడపవచ్చు.
Related News
ఈ పథకం లో చేరాలంటే ఏం చేయాలి?
ఈ పథకం లో చేరాలంటే రైతులకు కనీసం 18 ఏళ్ల వయస్సు ఉండాలి. గరిష్ట వయసు 40 సంవత్సరాలు. మీరు 18 ఏళ్ల వయసులో ఈ పథకంలో చేరితే ప్రతి నెల రూ.55 చెల్లించాలి. అదే మీరు 40 ఏళ్ల వయసుతో చేరితే రూ.200 చెల్లించాలి. ఇలా మీరు 60 ఏళ్ల వయస్సు వరకు నెలనెలా ప్రీమియం చెల్లిస్తే, తరువాత ప్రతి నెల రూ.3,000 పెన్షన్ రూపంలో వస్తుంది. సంవత్సరానికి ఇది మొత్తం రూ.36,000 అవుతుంది.
ఇదంతా చిన్నచిన్న పెట్టుబడే – కానీ వృద్ధాప్యంలో మేలే
ఈ స్కీమ్ యొక్క గొప్ప లక్షణం ఏమిటంటే, ఇది రైతు వృద్ధాప్యంలో ఆర్థిక భద్రత కలిగిస్తుంది. సౌకర్యవంతమైన జీవితం గడిపేందుకు ఇది పెద్ద సహాయం. భవిష్యత్తులో అనారోగ్యం, ఆదాయం లేకపోవడం వంటి సమస్యలు వచ్చినా, ఈ పెన్షన్‌తో కొంత రిలీఫ్ ఉంటుంది.
కిసాన్ సమ్మాన్ నిధిలో ఉంటే
ఈ పెన్షన్ పథకం ప్రయోజనాలు పొందాలంటే, మీరు కిసాన్ సమ్మాన్ నిధి పథకంలో నమోదు అయి ఉండాలి. ఇప్పటివరకు ఈ పథకం కింద ప్రభుత్వం 19 వేలు రిలీజ్ చేసింది. ప్రతి రైతుకు త్రైమాసికంగా రూ.2,000 చెల్లిస్తూ వస్తున్నారు. ఇక మంధన్ యోజనలో చేరితే, మీరు నెలనెలా పెన్షన్ ప్రయోజనాలు పొందగలరు.
ఇది లైవ్ స్కీమ్. అంటే ఎవరు ముందుగా ఈ పథకం లో చేరితే, వాళ్లకు భవిష్యత్తు బాగుంటుంది. మీరు ఆలస్యం చేస్తే, తర్వాత మిస్ అయ్యే ప్రమాదం ఉంది. ఎందుకంటే ప్రీమియం జమ చేయాల్సిన సంవత్సరాల సంఖ్య తగ్గిపోతుంది. అప్పుడు ప్రభుత్వ నిబంధనలు కఠినంగా మారే అవకాశం ఉంటుంది.
ఇవాళే మీ పేరు నమోదు చేయించుకోండి
ఈ స్కీమ్‌లో చేరాలంటే మీ సమీప CSC సెంటర్‌కి వెళ్లి పేరు నమోదు చేయించుకోవచ్చు. మీ ఆధార్ కార్డు, బ్యాంక్ అకౌంట్ వివరాలు తీసుకెళ్లండి. మీ వయస్సుకు తగ్గట్టు ప్రీమియం ఫిక్స్ అవుతుంది. మీరు నెలనెలా చెల్లించవచ్చు లేదా ఒకేసారి కొన్ని నెలల కోసం ముందుగానే చెల్లించవచ్చు.
ఇప్పటికే దేశవ్యాప్తంగా లక్షలాది మంది రైతులు ఈ స్కీమ్‌కి పేరును లింక్ చేసి ప్రయోజనాలు పొందుతున్నారు. మీరు కూడా ఒక చిన్న ప్రీమియం చెల్లించి భవిష్యత్తులో పెద్ద భద్రత పొందొచ్చు. ఇది రైతులకు ప్రత్యేకంగా డిజైన్ చేసిన స్కీమ్. ప్రభుత్వమే పెన్షన్ ఇస్తోంది. ఇది ప్రైవేట్ కాదు. కాబట్టి భయపడాల్సిన అవసరం లేదు.
