మిడ్‌ రేంజ్‌లో మంచి ఫోన్ కావాలనుకుంటున్నారా? మంచి ఫీచర్లు ఉండాలి, ధర కూడా తగ్గి ఉండాలి అనుకుంటున్నారా? అయితే మీరు తప్పకుండా iQOO Neo 10 మరియు Oppo Reno 14 మధ్య సరైనదాన్ని ఎంచుకోవాల్సిన టైమ్ ఇది. ఈ రెండు ఫోన్లు ఈ మధ్య మార్కెట్‌లో మంచి చర్చనీయాంశంగా మారాయి. స్టైల్‌, ఫీచర్లు, బ్యాటరీ, కెమెరా… ఏ కోణంలో చూసినా, రెండూ అద్భుతంగా ఉన్నాయి. కానీ మీకు ఏది బెస్ట్ అనేది పూర్తిగా మీ అవసరంపై ఆధారపడి ఉంటుంది.
ఒప్పో రెనో 14లో మిడియాటెక్ డైమెన్సిటీ 8350 ప్రాసెసర్‌ ఉంది. ఇది 3.35GHz స్పీడ్‌తో పని చేస్తుంది. ఈ ఫోన్ చాలా స్మూత్‌గా పనిచేస్తుంది. ఇక iQOO Neo 10లో క్వాల్కమ్ స్నాప్‌డ్రాగన్ 8s Gen4 ప్రాసెసర్‌ ఉంది. ఇది 3.2GHz క్లాక్ స్పీడ్ ఇస్తుంది. ఈ ప్రాసెసర్‌ ఆటలు ఆడేవాళ్లకు చాలా బాగా నచ్చుతుంది. పవర్‌ సేవింగ్, పనితీరు విషయంలో ఇది కొంచెం ముందుంది.
రెండు ఫోన్లలోనూ 8GB RAM ఉంటుంది. ఒప్పోలో అదనంగా 8GB వర్చువల్‌ RAM కూడా ఉంది. ఇది మల్టీటాస్కింగ్‌కి సపోర్ట్ చేస్తుంది. కానీ హార్డ్‌వేర్ ఆర్కిటెక్చర్ విషయంలో iQOO బాగా ఆకట్టుకుంటుంది.
[news_related_post]డిస్‌ప్లే విషయానికి వస్తే, ఒప్పోలో 6.59 అంగుళాల AMOLED స్క్రీన్ ఉంది. 120Hz రిఫ్రెష్‌ రేట్‌ ఉంటుంది. డిస్‌ప్లే రంగులు చాలా డీటెయిల్డ్‌గా కనిపిస్తాయి. అదే సమయంలో iQOOలో 6.78 అంగుళాల పెద్ద AMOLED స్క్రీన్, 144Hz రిఫ్రెష్‌ రేట్‌ ఉంటుంది. టచ్‌ రెస్పాన్స్‌ కూడా చాలా ఫాస్ట్. గేమింగ్ కోసం చూస్తే iQOO స్పష్టంగా ముందు ఉంటుంది.
బ్యాటరీ పరంగా చూస్తే ఒప్పోలో 6000ఎంఏహెచ్ బ్యాటరీ ఉంది. 80వాట్ SUPERVOOC ఫాస్ట్ చార్జింగ్‌ కూడా ఉంటుంది. ఇది కూడా చాలా ఫాస్ట్. కానీ iQOO Neo 10లో 7000ఎంఏహెచ్ భారీ బ్యాటరీ ఉంది. 120వాట్ ఫాస్ట్ చార్జింగ్‌తో కేవలం కొద్దిసేపులోనే పూర్తిగా ఛార్జ్ అవుతుంది. స్క్రీన్ ఆన్ టైమ్ కూడా ఎక్కువ ఉంటుంది.
కెమెరా డిపార్ట్‌మెంట్‌లో Oppo బాగా ఆకట్టుకుంటుంది. ట్రిపుల్ కెమెరా సెటప్‌ ఉంటుంది – 50MP+50MP+8MP. ఫ్రంట్‌ కెమెరా కూడా 50MPతో వస్తుంది. ఇది సెల్ఫీల కోసం పర్ఫెక్ట్‌. iQOOలో 50MP+8MP డ్యూయల్ రియర్‌ కెమెరా ఉంటుంది. 32MP సెల్ఫీ కెమెరా కూడా ఉంది. కానీ కెమెరా సెన్సార్ల విషయంలో Oppoలో లైట్‌, డెప్త్‌ క్యాప్చర్‌ ఇంకా బాగా ఉంటుంది.
ఇక అసలు విషయం ధర గురించి. ఒప్పో రెనో 14 ధర ₹37,999. iQOO Neo 10 మాత్రం ₹31,999కే అమెజాన్‌లో లభిస్తుంది. ఫ్లిప్‌కార్ట్‌లో ఇది ₹34,190 వరకు ఉంటుంది. కొంతకాలానికే ఉన్న ఆఫర్లతో, బ్యాంక్‌ డిస్కౌంట్లతో ధరలు మరింత తగ్గే అవకాశం ఉంది. iQOOపై ఇప్పుడే కొంటే కొన్ని కార్డులకు ₹1500 వరకు తక్కువ ధరకూ దొరుకుతుంది.
అంతకన్నా ముఖ్యంగా, బ్యాటరీ లైఫ్‌, ఫాస్ట్ ఛార్జింగ్‌, గేమింగ్ ఫర్‌ఫార్మెన్స్ చూస్తే iQOO Neo 10 స్పష్టంగా బెస్ట్ డీల్. అదే సమయంలో కెమెరా, ప్రీమియం లుక్‌, మంచి డిస్‌ప్లే క్వాలిటీ కావాలంటే Oppo Reno 14 మీకు నచ్చుతుంది.
