రాష్ట్రంలో వేసవి సెలవులను ఈ నెల 12వ తేదీ వరకు పొడిగిస్తున్నట్లు ప్రభుత్వం ప్రకటించింది. షెడ్యూల్ ప్రకారం 12న పాఠశాలలు తెరుచుకోవాల్సి ఉండగా, తాజా మార్పుతో 13న పాఠశాలలు పునఃప్రారంభం కానున్నాయి.
12న ముఖ్యమంత్రిగా చంద్రబాబు ప్రమాణ స్వీకారం చేయనున్న దృష్ట్యా ఈ కార్యక్రమానికి హాజరయ్యేందుకు వెసులుబాటు కల్పించాలని పలు ఉపాధ్యాయ సంఘాలు కోరాయి. సానుకూలంగా స్పందించిన ప్రభుత్వం సెలవులను మరో రోజు పొడిగించింది.
కాగా, ఎన్డీయే కూటమిలో టీడీపీ 135, జనసేన 21, బీజేపీ 8 సీట్లు గెలుచుకున్నాయి. వైసీపీ 11 స్థానాలకే పరిమితమైంది. 175 స్థానాలకు గాను ఎన్డీయే కూటమి 164 సీట్లతో అఖండ మెజారిటీతో అధికారాన్ని కైవసం చేసుకుంది. ఈ ప్రమాణ స్వీకారోత్సవానికి ప్రధాని మోదీతో పాటు బీజేపీ పాలిత రాష్ట్రాల ముఖ్యమంత్రులు రానున్నారు. కేసరపల్లి, గన్నవరం పరిసర ప్రాంతాల్లో భారీ భద్రతా చర్యలు చేపట్టారు.
దీని మీద అధికారిక వుతర్వులు వెలువడాలి .. ఇది అధికారిక ప్రకటన కాదు
