తెలుగు రాష్ట్రాల్లో ఎండలు మండిపోతున్నాయి. గతంలో ఎన్నడూ లేని విధంగా భానుడు భగభగ మండుతున్నాడు. అత్యధిక ఉష్ణోగ్రత నమోదు. సూరీడు ఉదయం 7 గంటలకు విధులకు హాజరవుతున్నాడు.
ఎండతీవ్రత, వేడిగాలులతో ప్రజలు ఇబ్బందులు పడుతున్నారు. బయటకి అడుగు పెట్టలేకపోయింది. ఏపీలోనే కాదు తెలంగాణలో కూడా గతంలో కంటే ఉష్ణోగ్రతలు పెరిగాయి. హైదరాబాద్ నగరం కూడా అగ్నిగుండంగా మారింది. 45 డిగ్రీలకు పైగా ఉష్ణోగ్రతలు నమోదవుతున్నాయి. మంచిర్యాల, పెద్ద పల్లి, జగిత్యాల, వరంగల్, నాగర్ కర్నూల్ జిల్లాల్లోని పలు ప్రాంతాల్లో 46 డిగ్రీలకు పైగా ఉష్ణోగ్రతలు నమోదయ్యాయి. తెలంగాణలో వడదెబ్బకు నలుగురు మృతి చెందారు. ఈ వేడి గాలులు మరికొన్నిరోజులు వీస్తాయని తెలుస్తోంది.
అలాంటి సమయంలో ఒక చల్లని వార్త వస్తోంది. వేడి గాలులతో ఉక్కిరిబిక్కిరి అవుతున్న తెలంగాణ వాసులకు భారత వాతావరణ శాఖ శుభవార్త అందించింది. హైదరాబాద్‌తో పాటు రాష్ట్రవ్యాప్తంగా ఈ వేడిగాలులు తగ్గుతాయని చెబుతున్నారు. ఇది మే 6 వరకు కొనసాగుతుంది, ఆ తర్వాత గణనీయమైన తగ్గింపు ఉంటుంది. మే 7 నుంచి హైదరాబాద్ నగరంలో వర్షాలు కురిసే అవకాశాలున్నాయని.. వచ్చే సోమ, మంగళవారాల్లో ఉరుములు, మెరుపులతో కూడిన వర్షాలు కురిసే అవకాశం ఉందని ఐఎండీ తెలిపింది.
Related Posts
కాగా, మే 4, 5 తేదీల్లో కేరళ, దక్షిణ తమిళనాడు, లక్షద్వీప్, అండమాన్ నికోబార్ దీవుల్లో వర్ష సూచన ఉన్నట్లు తెలుస్తోంది.ఈ నేపథ్యంలో తెలంగాణలోనూ వర్షాలు కురిసే అవకాశం ఉన్నట్లు తెలుస్తోంది. లేదంటే వాతావరణం చల్లబడుతుందని అంటున్నారు. వర్షాలు కురుస్తున్న వెంటనే హైదరాబాద్‌లో ఉష్ణోగ్రత 40 డిగ్రీల కంటే తగ్గుతుందని ఐఎండీ అంచనా వేసింది.
అప్పటి వరకు హైదరాబాద్ లో గరిష్ట ఉష్ణోగ్రతలు 41 నుంచి 43 డిగ్రీల సెల్సియస్ మధ్య నమోదయ్యే అవకాశం ఉంది. అయితే నారాయణపేట, వనపర్తి, జోగులాంబ గద్వాల్, నల్గొండ, సూర్యాపేట, మహబూబాబాద్, హనుమకొండ, పెద్దపల్లి, కరీంనగర్, జయశంకర్ భూపాలపల్లి, మంచిర్యాల, జగిత్యాల, కుమురం భీమ్ ఆసిఫాబాద్ వంటి కొన్ని జిల్లాల్లో ఉష్ణోగ్రతలు 45 డిగ్రీల సెల్సియస్ దాటే అవకాశం ఉంది.
ఇక శుక్రవారం హైదరాబాద్ నగరంలో ఎండలు మండిపోతున్నాయి. కుత్బుల్లాపూర్‌లో 44.1, నాచారం, ముషీరాబాద్‌లో 44 డిగ్రీల సెల్సియస్ ఉష్ణోగ్రతలు నమోదయ్యాయి. చుట్టుపక్కల జిల్లాల్లోనూ వేడి తీవ్రత పెరిగింది. మాంచార్యలోని హాజీపూర్ వంటి ప్రాంతాల్లో 46.6 డిగ్రీల సెల్సియస్ నమోదైంది. కరీంనగర్‌లోని వీణవంక, నల్గొండలోని ఇబ్రహీంపేట, సూర్యాపేటలోని మామిళ్లగూడెంలో కూడా 46.5 డిగ్రీల సెల్సియస్ ఉష్ణోగ్రతలు నమోదయ్యాయి.
