ఈ వారం భారతీయ మార్కెట్‌కి టెక్ ప్రియులు ఎదురుచూసే సమయం వచ్చింది. మూడు కొత్త స్మార్ట్‌ఫోన్లు ఒకేసారి లాంచ్ అవుతుండటంతో వినియోగదారుల్లో ఉత్కంఠ నెలకొంది. ప్రతి ఫోన్‌లోనూ వేర్వేరు ప్రత్యేకతలు ఉన్నాయి. డిజైన్, కెమెరా, బ్యాటరీ, డిస్‌ప్లే అన్నీ భిన్నంగా ఉండటంతో ఎంచుకోవడమే కష్టం. మీరు కొత్త ఫోన్ కొనాలనుకుంటే ఈ వారం మంచి చాన్స్‌.
జూలై 24న లాంచ్ అవుతుందో ఫోన్ iQOO Z10R 5G. ఇది ఒక స్టైలిష్ లుక్ ఉన్న ఫోన్. బ్లూ, సిల్వర్ రంగుల్లో వస్తోంది. డ్యూయల్ కెమెరా సెటప్‌తో పాటు అందులో ఔరా రింగ్ లైట్ కూడా ఉంటుంది. సెల్ఫీ ప్రియుల కోసం 32 మెగాపిక్సెల్ ఫ్రంట్ కెమెరా ఇస్తున్నారు. 4కే వీడియోలు కూడా రికార్డ్ చేయొచ్చు. దీని ప్రత్యేకత డైమెన్సిటీ 7400 చిప్‌సెట్. ఇది 20,000 రూపాయల లోపే శక్తివంతమైన ఫోన్ అవుతుంది. 5700 ఎంఏహెచ్ బ్యాటరీ, ఐపీ68+69 రేటింగ్ తో వచ్చిన ఈ ఫోన్ వ్లాగర్ల కోసం ప్రత్యేకంగా డిజైన్ చేశారు. ఇందులో ఏఐ ఫీచర్లు కూడా మంచి స్థాయిలో ఉంటాయి.
అదే రోజున రియల్‌మీ 15 సిరీస్ కూడా లాంచ్ అవుతోంది. ఈ సిరీస్‌లో రియల్‌మీ 15, రియల్‌మీ 15 ప్రో 5G అనే రెండు వేరియంట్లు ఉన్నాయి. స్టాండర్డ్ మోడల్‌లో డైమెన్సిటీ 7300 ప్లస్ ప్రాసెసర్ వుంటుంది. ప్రో వర్షన్‌లో స్నాప్‌డ్రాగన్ 7 జెన్ 4 చిప్‌సెట్ ఉంటుంది. రెండు ఫోన్లలోనూ 6.8 అంగుళాల పెద్ద డిస్‌ప్లే, 7000 ఎంఏహెచ్ భారీ బ్యాటరీ ఉంటుంది. 80 వాట్స్ ఫాస్ట్ చార్జింగ్ కూడా సపోర్ట్ చేస్తుంది. కెమెరా విషయంలో స్టాండర్డ్ మోడల్‌లో డ్యూయల్ సెటప్, ప్రో మోడల్‌లో ట్రిపుల్ కెమెరా ఉంటాయి. రెండు ఫోన్లూ ఐపీ69 రేటింగ్‌తో వస్తుండటంతో వాటర్, డస్ట్ నుంచి ఫోన్‌ను కాపాడుతుంది. ఫీచర్లతో నిండిన ఈ ఫోన్లు ఎలాంటి వాడకానికి అయినా సరిపోయేలా ఉంటాయి.
[news_related_post]జూలై 25న లావా బ్లేజ్ డ్రాగన్ 5G లాంచ్ అవుతోంది. ఇది ఇండియన్ బ్రాండ్ అయిన లావా నుంచి వస్తోంది. గోల్డెన్, బ్లాక్ రంగుల్లో ఇది లభ్యమవుతుంది. కెమెరా మాడ్యూల్ డిఫరెంట్ లుక్‌తో రాబోతుంది. ఇందులో 50 మెగాపిక్సెల్ మెయిన్ కెమెరా ఉంటుంది. స్నాప్‌డ్రాగన్ 4 జెన్ 2 ప్రాసెసర్‌తో ఫోన్ పనిచేస్తుంది. ఇది ఆండ్రాయిడ్ 15 ఓఎస్‌తో వస్తుండటం విశేషం. మిడ్ రేంజ్‌లో శక్తివంతమైన ఫోన్ కావచ్చు.
ఇన్ని వేరైటీ ఫోన్లు ఒకే వారం లో రాబోతుండటంతో ఫోన్ కొనాలనుకునే వాళ్లకి ఇది గోల్డెన్ ఛాన్స్. స్టాక్‌ త్వరగా అయిపోతుందనే టాక్ కూడా ఉంది. ఇప్పుడు ఎంచుకోవాల్సింది – మీరు ఏ ఫోన్‌కు ఓటేస్తారు అని?
