భారత ప్రభుత్వ రంగ సంస్థ అయిన హిందుస్తాన్ పెట్రోలియం కార్పొరేషన్ లిమిటెడ్ (HPCL) నుండి మరోసారి భారీగా ఉద్యోగాలు విడుదలయ్యాయి. 2025లో దేశవ్యాప్తంగా 372 పోస్టులకు నోటిఫికేషన్ రిలీజ్ అయ్యింది. దీనికి ఆన్‌లైన్ ద్వారా దరఖాస్తులు స్వీకరిస్తున్నారు. డిగ్రీ, డిప్లొమా, బీటెక్, MBA, CA, MCA చేసినవారికి ఇది ఒక గొప్ప అవకాశమని చెప్పొచ్చు.
ఈ నోటిఫికేషన్ ప్రకారం, HPCL లో జూనియర్ ఎగ్జిక్యూటివ్, మెకానికల్, సివిల్, ఎలక్ట్రికల్, కెమికల్ ఇంజనీర్, చార్టెడ్ అకౌంటెంట్, HR ఆఫీసర్, లా ఆఫీసర్, IS ఆఫీసర్, సేల్స్ ఆఫీసర్ వంటి విభిన్న విభాగాల్లో పోస్టులు ఖాళీగా ఉన్నాయి. మొత్తం 372 ఖాళీలకు ఈ నియామకం జరగనుంది. జీతం పోస్టు ఆధారంగా నెలకు ₹50,000 నుంచి ₹1.5 లక్షల వరకు లభించే అవకాశం ఉంది.
ఈ పోస్టులకు దరఖాస్తు చేయాలనుకునే అభ్యర్థులు జూన్ 1, 2025 నుంచి ఆన్లైన్‌లో అప్లై చేయొచ్చు. ఫ్రెషర్స్ దరఖాస్తు చేయాల్సిన చివరి తేదీ జూన్ 30, 2025. అనుభవం ఉన్నవారు జూలై 15 వరకు అప్లై చేసుకోవచ్చు. దరఖాస్తు ఫీజు విషయానికి వస్తే, జనరల్, OBC, EWS కేటగిరీ అభ్యర్థులకు ₹1180 ఉండగా, SC, ST, PwBD అభ్యర్థులకు ఫీజు లేదు. ఫీజు ఆన్లైన్‌లోనే చెల్లించాలి.
[news_related_post]వయస్సు పరిమితి పోస్టు ఆధారంగా ఉంటుంది. కనీసం 18 సంవత్సరాల వయస్సు ఉండాలి. గరిష్టంగా కొన్ని పోస్టులకు 48 ఏళ్ల వరకు అనుమతిస్తున్నారు. వయస్సు లెక్కించేందుకు మే 31, 2025 కీలక తేదీగా పరిగణించబడుతుంది. ప్రభుత్వ నియమాల ప్రకారం రిజర్వ్ కేటగిరీలకు వయస్సు సడలింపులు లభిస్తాయి.
ఫ్రెషర్స్ కోసం ఉన్న పోస్టుల్లో ఎగ్జిక్యూటివ్ అసిస్టెంట్ కి ఏదైనా డిగ్రీ సరిపోతుంది. జూనియర్ ఎగ్జిక్యూటివ్ (సివిల్, మెకానికల్, క్వాలిటీ కంట్రోల్) పోస్టులకు సంబంధిత డిప్లొమా లేదా B.Sc అవసరం. మెకానికల్, ఎలక్ట్రికల్, కెమికల్, సివిల్ ఇంజనీర్ పోస్టులకు B.E/B.Tech అనేది అర్హత. చార్టెడ్ అకౌంటెంట్ పోస్టుకు CA తో పాటు డిగ్రీ ఉండాలి. HR పోస్టులకు MBA లేదా సంబంధిత PG ఉండాలి.
అనుభవం ఉన్నవారి కోసం లా ఆఫీసర్, సేఫ్టీ ఆఫీసర్, సీనియర్ ఆఫీసర్ (సేల్స్, CGD), మేనేజర్ పోస్టులు ఉన్నాయి. ఈ పోస్టులకు అనుభవం తప్పనిసరి. అలాగే, డాటా సైన్స్, ఐటీ, సైబర్ సెక్యూరిటీ రంగాల్లో ఫిక్స్‌డ్ టెర్మ్ కాంట్రాక్ట్ ఆధారంగా పోస్టులు కూడా ఉన్నాయి.
ఇప్పుడు ఉద్యోగాల కోసం ఎదురుచూస్తున్న అభ్యర్థులు తప్పకుండా ఈ అవకాశం వినియోగించుకోవాలి. HPCL లాంటి ప్రభుత్వ రంగ సంస్థలో ఉద్యోగం అంటే స్థిరతతో పాటు మంచి జీతం, పర్మనెంట్ ప్రొఫైల్. ఈ రిక్రూట్మెంట్ ద్వారా విద్యావంతులైన యువతకు జీవితాన్ని మార్చే అవకాశం దక్కనుంది.
దరఖాస్తు ప్రక్రియ పూర్తిగా ఆన్లైన్‌లో జరుగుతుంది. అధికారిక వెబ్‌సైట్ hindustanpetroleum.com ద్వారా అప్లై చేయాలి. అప్‌డేటెడ్ సిలబస్, ఎగ్జామ్ తేదీలు, అడ్మిట్ కార్డ్, ఫలితాలు వంటి సమాచారం అధికారికంగా త్వరలో విడుదలవుతుంది. మీరు కూడా అర్హత కలిగి ఉంటే ఆలస్యం చేయకుండా వెంటనే అప్లై చేయండి.
ఈ అవకాశాన్ని మిస్ అయితే మళ్లీ వచ్చే అవకాశం ఎప్పుడు వస్తుందో ఎవరికీ తెలియదు. కనుక టెన్షన్ వదిలేసి మీ సెలక్షన్‌కి ఇప్పుడే మొదలుపెట్టండి!
