యూనిఫైడ్ పింఛన్ స్కీమ్ (UPS) ప్రత్యేకతలు
సెంట్రల్ గవర్నమెంట్ ఉద్యోగుల కోసం NPS కింద కొత్తగా ప్రవేశపెట్టబోయే ఈ స్కీమ్‌లో ఉద్యోగులకు ఎన్నో ప్రయోజనాలు ఉంటాయి.
ఇది ఐచ్చికంగా (Optional) ఉంటుందని, ఉద్యోగులు తమ ఇష్టానుసారం ఎంపిక చేసుకోవచ్చు. ప్రతి నెలా ప్రాథమిక జీతం (Basic Salary) మరియు డియర్‌నెస్ అలవెన్స్ (DA)లో 10% మొత్తాన్ని ఉద్యోగి చెల్లించాల్సి ఉంటుంది. ఈ స్కీమ్‌ను ఎంపిక చేసుకోవడానికి ఉద్యోగి ఉద్యోగంలో చేరిన 30 రోజుల్లోపు దరఖాస్తు చేయాలి. 12 నెలలకు పైగా పనిచేసిన ఉద్యోగులు కూడా మరో మూడు నెలల లోపు దరఖాస్తు చేసుకోవచ్చు.
ఎవరెవరు ఈ స్కీమ్ ద్వారా ప్రయోజనం పొందవచ్చు?
UPS ద్వారా ఉద్యోగులు కొన్ని అర్హతలను పూర్తిచేస్తే పింఛన్ అందుకోవచ్చు. కనీసం 10 సంవత్సరాలు పని చేసిన ఉద్యోగులకు ₹10,000 పింఛన్ గ్యారంటీ ఉంటుంది. 25 సంవత్సరాలు పూర్తి చేసుకుని రిటైర్ అయినవారికి, చివరి 12 నెలల సగటు జీతం 50% పింఛన్‌గా అందుతుంది. ఉద్యోగి మరణించినట్లయితే, ఆ కుటుంబానికి చివరి పింఛన్‌లో 60% ఫ్యామిలీ పింఛన్‌గా అందుతుంది.
Related News
రిటైర్మెంట్ ఫండ్ & పింఛన్ ఎలా లభిస్తుంది?
ఈ స్కీమ్‌లో రిటైర్మెంట్ సమయంలో ఉద్యోగికి చివరి ప్రాథమిక జీతం మరియు DAలో 10% మొత్తాన్ని లంప్‌ సమ్‌గా అందిస్తారు. 25 సంవత్సరాల తర్వాత స్వచ్చంద పదవీ విరమణ (VRS) తీసుకున్నవారికి పింఛన్, సాధారణ రిటైర్మెంట్ వయస్సు వచ్చిన తర్వాతే అందుతుంది. ఉదాహరణకు, ఎవరికైనా VRS 55 ఏళ్ల వయసులో వస్తే, రిటైర్మెంట్ వయసు 60 ఏళ్లు అయితే, 60 సంవత్సరాల వయసుకు మాత్రమే పింఛన్ ప్రారంభమవుతుంది. ఈ స్కీమ్ DA ఆధారంగా సమయానికి అప్‌డేట్ అవుతూ, పెన్షనర్లకు ధరల పెరుగుదలతో వచ్చిన భారం తగ్గించేందుకు ఉపయోగపడుతుంది.
ఇది కేంద్ర ప్రభుత్వ ఉద్యోగులకు గొప్ప అవకాశం. మీ భవిష్యత్తును భద్రపరుచుకోవడానికి ఈ స్కీమ్‌ను ఎంచుకోవడం మంచిది.
