మారుతి సుజుకి ఇన్విక్టో ఆల్ఫా వేరియంట్ MY2025 మోడల్ పై భారీ ఆఫర్ ప్రకటించింది. ఈ కారుపై కంపెనీ రూ. 2.15 లక్షల వరకు డిస్కౌంట్ అందిస్తోంది. ఇందులో రూ. 1 లక్ష ఎక్స్ఛేంజ్ ఆఫర్, రూ. 1,15,000 స్క్రాపేజ్ ఆఫర్ కూడా ఉన్నాయి. దీనితో పాటు ఇన్విక్టో ఆల్ఫా వేరియంట్ MY2024 స్టాక్ పై రూ. 3.15 లక్షల డిస్కౌంట్ అందిస్తోంది. అదేవిధంగా జెటా వేరియంట్ పై రూ. 2.65 లక్షల డిస్కౌంట్ అందిస్తోంది. ఈ కారు ధర విషయానికొస్తే.. మారుతి సుజుకి ఇన్విక్టో ఎక్స్-షోరూమ్ ధర రూ. 25.21 లక్షల నుండి రూ. 29.22 లక్షలు. డిస్కౌంట్ గురించి మరిన్ని వివరాల కోసం కస్టమర్లు తమ సమీప డీలర్‌షిప్‌ను సంప్రదించవచ్చు.
మారుతి సుజుకి ఇన్విక్టో ఎక్స్-షోరూమ్ ధరలు
1. ఇన్విక్టో స్ట్రాంగ్ హైబ్రిడ్ జీటా+ 7S ధర రూ. 25.51 లక్షలు
2. ఇన్విక్టో స్ట్రాంగ్ హైబ్రిడ్ జీటా+ 8S ధర రూ. 25.56 లక్షలు
3. ఇన్విక్టో స్ట్రాంగ్ హైబ్రిడ్ ఆల్ఫా+7S ధర రూ. 29.22 లక్షలు
Related News
మారుతి సుజుకి ఇన్విక్టో కార్ ఇంజిన్ స్పెసిఫికేషన్లు
మారుతి ఇన్విక్టో ఎలక్ట్రిక్ మోటారుతో కూడిన 2.0-లీటర్ పెట్రోల్ ఇంజిన్‌తో శక్తినిస్తుంది. ఈ ఇంజిన్ 186bhp శక్తిని, 206Nm టార్క్‌ను ఉత్పత్తి చేస్తుంది. మారుతి ఇన్విక్టో 9.5 సెకన్లలో 0 నుండి 100 kmph వేగాన్ని అందుకోగలదు. ఇది లీటరుకు 23.24 kmpl మైలేజీని అందిస్తుంది. ఇన్విక్టో 7-సీటర్, 8-సీటర్ ఎంపికలలో అందుబాటులో ఉంది. మీరు మీ అవసరానికి అనుగుణంగా మోడల్‌ను ఎంచుకోవచ్చు.
మారుతి సుజుకి ఇన్విక్టో ఫీచర్లు
ఈ కారు ఫీచర్ల విషయానికొస్తే.. ఇందులో 10.1-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 7-అంగుళాల పూర్తి డిజిటల్ డ్రైవర్ డిస్ప్లే వంటి ఫీచర్లు ఉన్నాయి. భద్రత కోసం.. 6 ఎయిర్‌బ్యాగులు, వాహన స్థిరత్వ నియంత్రణ, టైర్ ప్రెజర్ మానిటరింగ్ సిస్టమ్, 360-డిగ్రీ కెమెరా, ముందు, వెనుక పార్కింగ్ సెన్సార్లు వంటి ఫీచర్లు ఉన్నాయి.
