ఇండియన్ కోస్ట్ గార్డ్ 2025 సంవత్సరానికి అసిస్టెంట్ కమాండెంట్ పోస్టుల కోసం ఒక బంపర్ నోటిఫికేషన్ విడుదల చేసింది. ఈసారి మొత్తం 170 ఖాళీలను భర్తీ చేయడానికి అవకాశం ఉంది. ఆసక్తి ఉన్న అభ్యర్థులు జూలై 27, 2025లోపు ఆన్లైన్‌లో దరఖాస్తు చేయాలి. దరఖాస్తు ప్రక్రియ ఇప్పటికే ప్రారంభమై July 8, 2025 నుండి సాగుతోంది.
ఈ నోటిఫికేషన్ ద్వారా జనరల్ డ్యూటీ మరియు టెక్నికల్ విభాగాలలో పోస్టులు అందుబాటులో ఉన్నాయి. జనరల్ డ్యూటీ పోస్టులకు దరఖాస్తు చేయాలంటే గుర్తింపు పొందిన యూనివర్సిటీ నుండి డిగ్రీ ఉండాలి. డిప్లొమా చేసి తర్వాత గ్రాడ్యుయేషన్ చేసినవారు కూడా అర్హులే, కానీ ఫిజిక్స్ మరియు మ్యాథ్స్ ఇంటర్మీడియట్ స్థాయిలో చదివి ఉండాలి. టెక్నికల్ విభాగానికి అప్లై చేయాలంటే ఇంజినీరింగ్ డిగ్రీ ఉండాలి. మెకానికల్, ఎలక్ట్రికల్, ఎలక్ట్రానిక్స్, మెటలర్జీ, ఏరోనాటికల్, పవర్ ఎలక్ట్రానిక్స్ వంటి విభాగాలు అంగీకరించబడతాయి.
ఈ ఉద్యోగానికి వయస్సు పరిమితి 21 నుండి 25 ఏళ్ల మధ్య ఉండాలి. అర్హతలన్నీ పూర్తిగా కలిగిన అభ్యర్థులు అధికారిక వెబ్‌సైట్ అయిన indiancoastguard.gov.in లో దరఖాస్తు చేసుకోవచ్చు. అప్లికేషన్ ఫీజు జనరల్ అభ్యర్థులకు ₹300 ఉండగా, ఎస్సీ / ఎస్టీ అభ్యర్థులకు ఫీజు లేదు.
[news_related_post]ఇందులో జీతం కూడా ఆకర్షణీయంగా ఉంది. అసిస్టెంట్ కమాండెంట్ పోస్టుకు నెల జీతం ₹56,100 ఉండగా, తదుపరి ప్రమోషన్ల ద్వారా జీతం ₹2,05,400 వరకు పెరుగుతుంది. ఇది ఒక కేంద్ర ప్రభుత్వ ఉద్యోగం కాబట్టి ఇతర ప్రయోజనాలు కూడా ఉంటాయి.
ఇలాంటి అవకాశాలు తరచుగా రావు. అర్హతలు ఉన్నవారు ఒక మంచి భవిష్యత్తు కోసం వెంటనే దరఖాస్తు చేయండి. చివరి తేదీ 27 జూలై 2025 అని గుర్తుంచుకోండి. సెక్యూరిటీ, గౌరవం, మంచి జీతం, కేంద్ర ప్రభుత్వ బెనిఫిట్స్ అన్నీ ఒక్కే ఉద్యోగంలో కావాలంటే ఈ అవకాశం మిస్ అవ్వకండి!
