దేశవ్యాప్తంగా కేంద్ర ప్రభుత్వ రంగ బ్యాంక్ అయిన సెంట్రల్ బ్యాంక్ ఆఫ్ ఇండియా ఎంతోమంది నిరుద్యోగులకు ఒక గొప్ప అవకాశం ఇచ్చింది. బ్యాంక్‌కి సంబంధించిన అపె్రంటిస్ పోస్టులకు భారీగా 4500 ఖాళీలు ప్రకటించింది. ఈ ఉద్యోగాలకి డిగ్రీ పూర్తిచేసిన అభ్యర్థులు అర్హులు. కనీసం డిగ్రీ (ఏదైనా విభాగంలో) ఉంటే చాలు, మీరు అప్లై చేయవచ్చు.
ఈ అప్రెంటిస్ ఉద్యోగాలకు దరఖాస్తు ప్రక్రియ 2025 జూన్ 7వ తేదీ నుంచి మొదలైంది. అప్లై చేసే చివరి తేదీ జూన్ 23. ఈ అపె్రంటిస్ ఉద్యోగానికి ఎంపిక అయిన అభ్యర్థులు ఒక సంవత్సరం పాటు ట్రైనింగ్ చేసుకోవచ్చు. ట్రైనింగ్ కాలంలో నెలకు ₹15,000 స్టైఫండ్ లభిస్తుంది. ఈ కాలంలో ఎలాంటి ఇంకొన్ని అలవెన్సులు ఉండవు కానీ, ఇది మంచి బ్యాంకింగ్ అనుభవం కలిగించే అవకాశంగా నిలుస్తుంది.
వయస్సు పరంగా అభ్యర్థి కనీసం 20 సంవత్సరాలు ఉండాలి. గరిష్ఠంగా 28 ఏళ్ల లోపు ఉండాలి. ప్రభుత్వ నియమాల ప్రకారం ఎస్సీ, ఎస్టీ, ఓబీసీ, మహిళలకు వయస్సులో సడలింపు ఉంటుంది.
Related News
దరఖాస్తు కోసం మీరు సెంట్రల్ బ్యాంక్ అధికారిక వెబ్‌సైట్ అయిన centralbankofindia.co.in లోకి వెళ్లి ఆన్లైన్‌లో అప్లై చేయాలి. ఎగ్జామ్ జూలై మొదటి వారంలో జరిగే అవకాశం ఉంది. ఇది కంప్యూటర్ బేస్డ్ టెస్ట్ అవుతుంది. దరఖాస్తు ఫీజు కేటగిరీపై ఆధారపడి ఉంటుంది. ఎస్సీ, ఎస్టీ, మహిళలకు ₹600, ఇతరులకు ₹800, దివ్యాంగులకు ₹400 మాత్రమే.
ఇది పక్కాగా బ్యాంకింగ్ రంగంలోకి అడుగుపెట్టాలనుకునే వారికీ మంచి అవకాశం. మీ దగ్గర డిగ్రీ ఉంటే, వయస్సు సరిపోతే, వెంటనే అప్లై చేయండి. నోటిఫికేషన్ చదివి అప్లై చేయడం మర్చిపోకండి. ఇది ఎంత త్వరగా అప్లై చేస్తే అంత మంచిది. చివరి తేదీ దగ్గరపడుతోందన్న విషయం గుర్తుపెట్టుకోండి.
ఇంకా ఆలస్యం ఎందుకు? ఈ సెంట్రల్ బ్యాంక్ అప్రెంటిస్ ఛాన్స్‌ను మీ చేతిలో వేసుకోండి. ఉద్యోగం కాకపోయినా బ్యాంకింగ్ అనుభవంతో మంచి భవిష్యత్తు కోసం దారి తీస్తుంది.
