సోమవారం ఏపీ అసెంబ్లీ బడ్జెట్ సమావేశాలు ప్రారంభమయ్యాయి. ఈ సందర్భంగా గవర్నర్ జస్టిస్ ఎస్. అబ్దుల్ నజీర్ ఉభయ సభలను ఉద్దేశించి ప్రసంగించారు. ప్రజలు తమ ప్రభుత్వానికి తిరుగులేని మెజారిటీని అందించి గెలిపించారని ఆయన అన్నారు. ప్రజల కోరిక మేరకు సంకీర్ణ ప్రభుత్వం ఏర్పడిందని, అధికారంలోకి వచ్చినప్పటి నుండి సూపర్ సిక్స్ పథకాల ద్వారా ప్రజలకు మంచి చేస్తోందని ఆయన అన్నారు. రాష్ట్ర ఆర్థిక పరిస్థితిపై ఏడు శ్వేతపత్రాలు విడుదల చేశామని ఆయన అన్నారు. గత వైసీపీ పాలనలో రాష్ట్రం చాలా నష్టపోయిందని ఆయన అన్నారు. సంకీర్ణ ప్రభుత్వం అధికారంలోకి వచ్చిన వెంటనే రాష్ట్రం ఉచ్చులో పడిందని ఆయన అన్నారు.
ప్రతి నెల మొదటి తేదీన ఇళ్లకు వెళ్లి పెన్షన్లు ఇస్తామని గవర్నర్ అన్నారు. పెన్షన్లను రూ.4,000లకు పెంచామని ఆయన అన్నారు. సంవత్సరానికి మూడు గ్యాస్ సిలిండర్లు ఉచితంగా ఇస్తున్నామని ఆయన అన్నారు. 2027 నాటికి పోలవరం ప్రాజెక్టును పూర్తి చేస్తామని హామీ ఇచ్చారు. అలాగే, అమృత్ జల్ జీవన్ మిషన్‌ను కొనసాగిస్తున్నామని, ప్రతి ఇంటికి కుళాయి నీటిని అందిస్తున్నామని వివరించారు. జలహారతి కార్యక్రమం ద్వారా ప్రతి ఎకరాకు సాగునీరు అందిస్తున్నామని గవర్నర్ అబ్దుల్ నజీర్ అన్నారు. అంతేకాకుండా.. వ్యవసాయంలో కొత్త టెక్నాలజీని ఉపయోగిస్తున్నామని చెప్పారు. వ్యవసాయ యాంత్రీకరణ, సూక్ష్మ నీటిపారుదల వంటి విధానాలను అమలు చేస్తున్నామని ఆయన అన్నారు.
మెగా పోర్టులు, విమానాశ్రయాలు అభివృద్ధి చెందుతున్నాయని ఆయన అన్నారు. వాట్సాప్ ద్వారా పౌర సేవలు అందిస్తున్నామని, ప్రస్తుతం అందుబాబులో 161 సేవలు అందుబాటులో ఉన్నాయని అన్నారు. ప్రతి నెలా 3వ శనివారం స్వచ్ఛాంధ్ర కార్యక్రమాలు చేపట్టామని ఆయన అన్నారు. 70 శాతం గ్రామాల ఇంటి వద్ద చెత్తను సేకరిస్తున్నామని వివరించారు. రాష్ట్రవ్యాప్తంగా 20 వేల సీసీటీవీ కెమెరాలతో క్లౌడ్ ఆధారిత నిఘా వ్యవస్థను ఏర్పాటు చేసినట్లు కూడా ఆయన తెలిపారు. ప్రతి జిల్లాలో సైబర్ క్రైమ్ పోలీస్ స్టేషన్ ఏర్పాటు చేయబోతున్నామని ఆయన అన్నారు. జీరో క్రైమ్ లక్ష్యంగా రాష్ట్రంలో శాంతిభద్రతలను కఠినంగా అమలు చేస్తున్నామని గవర్నర్ అన్నారు. డ్రగ్స్, గంజాయిపై ఉక్కుపాదం మోపుతున్నామని ఆయన అన్నారు. రెవెన్యూ సమావేశాల ద్వారా భూ సమస్యలను పరిష్కరిస్తున్నామని, 17,040 గ్రామాల్లో రెవెన్యూ సమావేశాలు నిర్వహించామని ఆయన వివరించారు.
[news_related_post]అయితే, గవర్నర్ ప్రసంగం సమయంలో వైసీపీ సభ్యులు సభ నుంచి వాకౌట్ చేశారు. ప్రజల గొంతు వినిపించడానికి తమకు ప్రతిపక్ష హోదా ఇవ్వాలని వైసీపీ సభ్యులు నిరసన తెలిపారు. ప్రతిపక్ష హోదా ఇవ్వకపోవడంతో వైసీపీ సభ్యులు గవర్నర్ ప్రసంగాన్ని బహిష్కరించారు. తరువాత సభ నుంచి వాకౌట్ చేశారు.
