ఈరోజుల్లో అందరూ డిజిటల్ చెల్లింపులకు ప్రాధాన్యత ఇస్తున్నారు. కిరాణా దుకాణంలో ఒక రూపాయి చాక్లెట్ కొనడం నుండి షాపింగ్ మాల్స్‌లో లక్ష రూపాయల లావాదేవీ వరకు, అందరూ యూనిఫైడ్ పేమెంట్స్ ఇంటర్‌ఫేస్ (UPI) సేవలను ఉపయోగిస్తున్నారు. దీని కోసం, Google Pay, Phone Pay, Paytm (Gpay, Phone pay, Paytm) వంటి థర్డ్-పార్టీ యాప్‌ల ద్వారా QR కోడ్‌ను స్కాన్ చేయడం ద్వారా చెల్లింపు జరుగుతుంది. ఈ సందర్భంలో దేశంలోని అతిపెద్ద ప్రైవేట్ బ్యాంక్ అయిన HDFC, UPI చెల్లింపులకు సంబంధించి తన కస్టమర్లకు కీలక ప్రకటన జారీ చేసింది. సిస్టమ్ నిర్వహణ కారణంగా UPI సేవలకు స్వల్ప అంతరాయం ఏర్పడుతుందని బ్యాంక్ పేర్కొంది.
ఈ సందర్భంలో ఫిబ్రవరి 8న మూడు గంటల పాటు HDFC బ్యాంక్ UPI సేవలకు పనిచేయదు. అంటే.. శనివారం అర్ధరాత్రి 12 గంటల నుండి మరుసటి రోజు ఉదయం 3 గంటల వరకు UPI సేవలు నిలిచిపోతాయి. ఈ డౌన్ సమయంలో HDFC బ్యాంక్ ఖాతాలు, RuPay క్రెడిట్ కార్డులు, HDFC మొబైల్ బ్యాంకింగ్ యాప్, TPAPలలో UPI లావాదేవీలు పనిచేయవు. బ్యాంకు అధికారులు కస్టమర్లకు అవసరమైన లావాదేవీలను ముందుగానే పూర్తి చేయాలని సూచించారు. అయితే, అర్ధరాత్రి కావడంతో ఆ సమయంలో ఆర్థిక కార్యకలాపాలు తక్కువగా ఉండే అవకాశం ఉంది.
ఇటీవలి కాలంలో UPI సేవలు పెద్ద ఎత్తున విస్తరించిన నేపథ్యంలో సైబర్ నేరస్థులు అప్రమత్తంగా ఉండాలని RBI హెచ్చరిస్తోంది. నేరస్థులు మీ ఖాతా నుండి డబ్బును ముఖ్యంగా SMS రూపంలో లేదా ఫిషింగ్ ఇమెయిల్‌ల ద్వారా విత్‌డ్రా చేసుకోవచ్చని, అనధికారిక వెబ్‌సైట్‌లలో UPI ద్వారా చెల్లింపులు చేయవద్దని సూచించబడింది.
[news_related_post]
