తెలంగాణలోని ఉమ్మడి కరీంనగర్ జిల్లాలో భూకంపం సంభవించే అవకాశం ఉందని ‘భూకంప పరిశోధన, విశ్లేషణ’ హెచ్చరికలు జారీ చేసింది. దాని పరిశోధన ప్రకారం.. రామగుండం సమీపంలో భారీ భూకంపం సంభవించే అవకాశం ఉందని పేర్కొన్నారు. దీని ప్రభావం హైదరాబాద్, వరంగల్ నుండి మహారాష్ట్రలోని అమరావతి వరకు ఉండవచ్చని పేర్కొన్నారు. అయితే, దీనిని ప్రభుత్వం లేదా శాస్త్రీయ సంస్థలు నిర్ధారించలేదు. భూకంపాలను ముందుగానే అంచనా వేయడం సాధ్యం కాదని చెబుతున్నారు.
అయితే, పోయిన ఏడాది డిసెంబర్ 4, 2024న, ములుగు జిల్లాలోని మేడారం సమీపంలో 5.3 తీవ్రతతో భూకంపం సంభవించిన విషయం తెలిసిందే. దీని ప్రభావం హైదరాబాద్, వరంగల్, ఖమ్మం, ఆంధ్రప్రదేశ్‌లోని కొన్ని ప్రాంతాలలో కూడా కనిపించింది. కాగా, తెలంగాణ ప్రాంతం సాధారణంగా స్పల్ప భూకంప తీవ్రత కలిగిన జోన్-2లో ఉంటుంది. గోదావరి పరీవాహక ప్రాంతంలో ఫాల్ట్ జోన్ ఉండటం వల్ల, అప్పుడప్పుడు భూకంపాలు సంభవించే అవకాశం ఉంది.
గతంలో ఈ ప్రాంతంలో భూకంపాలు సంభవించాయని, కానీ అవి ఎటువంటి నష్టాన్ని కలిగించలేదని గుర్తు చేస్తున్నారు. ఇప్పుడు, పెద్దపల్లి జిల్లాకు భూకంపం వస్తుందని హెచ్చరిస్తూ భూకంప పరిశోధన మరియు విశ్లేషణ చేసిన ట్వీట్ వైరల్‌గా మారింది. ఈ సమాచారం గురించి ఆందోళన చెందాల్సిన అవసరం లేదని IMD అధికారులు తెలిపారు.
[news_related_post]అయితే, 1969 సంవత్సరంలో ప్రకాశం జిల్లాలోని ఒంగోలు ప్రాంతంలో 5.1 తీవ్రతతో భూకంపం వచ్చింది. 1998లో, తెలంగాణలోని ఆదిలాబాద్ జిల్లాలో 4.5 తీవ్రతతో భూకంపం సంభవించింది. 1984, 1999, 2013లో హైదరాబాద్ పరిసర ప్రాంతాల్లో స్వల్ప భూకంపాలు సంభవించిన విషయం తెలిసిందే. భూకంపాల రాకను ముందుగానే అంచనా వేయడం సాధ్యం కాదని, కాబట్టి భయపడాల్సిన అవసరం లేదని వారు అంటున్నారు. అయితే, నిపుణులు అప్రమత్తంగా ఉండాలని సలహా ఇస్తున్నారు.
