Galaxy F36: లాంఛ్ తో హల్ చల్… శాంసంగ్ నుంచి బడ్జెట్‌లోనే బెస్ట్ 5G ఫోన్…

ఈ ఫోన్‌లో 6.7 అంగుళాల పెద్ద Super AMOLED స్క్రీన్‌ ఉంటుంది. ఇది FHD+ రెజల్యూషన్‌తో వస్తుంది. మల్టీమీడియా చూసేవాళ్లకి, గేమింగ్ ఆడేవాళ్లకి ఇది మంచి ఎక్స్‌పీరియెన్స్ ఇస్తుంది. పైగా 120Hz రిఫ్రెష్ రేట్ ఉండటంతో స్క్రోల్ చేయడంలో, యాప్స్ ఓపెన్ చేయడంలో మరింత సాఫీగా అనిపిస్తుంది. డిస్‌ప్లే మీద కార్నింగ్ గొరిల్లా గ్లాస్ విక్టస్+ ప్రొటెక్షన్ ఉండటంతో స్క్రాచ్‌లు వచ్చే అవకాశం తక్కువే.

ఫోన్‌ ప్రాసెసింగ్‌ స్పీడ్‌ గురించి చెప్పాలంటే, ఇందులో శాంసంగ్ Exynos 1380 ప్రాసెసర్ ఉంటుంది. ఇది 5nm టెక్నాలజీతో తయారు చేశారు. పనితీరు బాగుండేలా ఆక్టా-కోర్ పవర్ అందిస్తుంది. ఈ ఫోన్‌ 6GB RAM, 128GB స్టోరేజ్‌తో ఒక వేరియంట్, 8GB RAM, 256GB స్టోరేజ్‌తో ఇంకో వేరియంట్‌గా వస్తుంది. అవసరమైతే microSD కార్డ్ ద్వారా స్టోరేజ్ కూడా పెంచుకోవచ్చు.

[news_related_post]

కెమెరా సెటప్ విషయానికి వస్తే, Galaxy F36 5Gలో 50MP ప్రైమరీ కెమెరా ఉంది. ఇది OIS సపోర్ట్‌తో వస్తుంది. ఫోటోలు తియ్యడంలో స్టెబిలిటీ ఇస్తుంది. 8MP అల్ట్రావైడ్ కెమెరా, 2MP మాక్రో లెన్స్‌తో కలిసి టోటల్‌గా మూడు కెమెరాలు ఉన్నాయి. ఫ్రంట్ కెమెరా 13MP ఉండటంతో సెల్ఫీలు తీయడానికి, వీడియో కాల్స్ చేయడానికి బాగా ఉపయోగపడుతుంది. 4K వీడియో రికార్డింగ్ కూడా చేయవచ్చు. ఇక ఇందులో ఉన్న ఫోటో రీమాస్టర్, సర్కిల్ టు సెర్చ్, ఆబ్జెక్ట్ ఎరేజర్ వంటి AI ఫీచర్లు ఫోటోలు ఎడిట్ చేయడాన్ని చాలా సింపుల్ చేస్తాయి.

బ్యాటరీ విషయానికి వస్తే ఇందులో 5000mAh భారీ బ్యాటరీ ఉంది. దీని ద్వారా రోజంతా ఫోన్ వాడినా ఛార్జింగ్ తిరిగి వేయాల్సిన అవసరం ఉండదు. 25W ఫాస్ట్ ఛార్జింగ్ సపోర్ట్ కూడా ఉంది. ఫోన్ Android 15 మీద నడుస్తుంది. One UI 7 కూడా ఇందులో ఉంటుంది. కంపెనీ ఈ ఫోన్‌కి 6 ఏళ్ల వరకూ Android అప్‌డేట్స్‌, సెక్యూరిటీ అప్‌డేట్స్ ఇస్తామని స్పష్టం చేసింది. ఇది చాలా అరుదుగా దొరికే సపోర్ట్ అని చెప్పాలి.

ఇంకా కనెక్టివిటీ విషయాల్లో చెప్పాలంటే, ఇందులో డ్యూయల్ 5G సిమ్, Wi-Fi 6, బ్లూటూత్ 5.3, NFC ఫీచర్లు ఉంటాయి. ఫోన్‌ పరిమాణం 7.7mm మందం మాత్రమే. బరువు కూడా కేవలం 197 గ్రాములే. దీని వలన చేతిలో ఇబ్బంది లేకుండా సులభంగా వాడుకోవచ్చు. కలర్ ఆప్షన్లు కూడా చక్కగా ఉన్నాయి. ఒనిక్స్ బ్లాక్, లక్స్ వైలెట్, కోరల్ రెడ్ రంగుల్లో అందుబాటులో ఉంది.

ధర విషయానికి వస్తే 6GB + 128GB వేరియంట్ ₹17,499కి లభిస్తుంది. 8GB + 256GB వేరియంట్ ₹18,999కి కొనొచ్చు. జులై 29 మధ్యాహ్నం 12 గంటలకు ఫోన్ సేల్స్ ప్రారంభమవుతుంది. ICICI, SBI, HDFC, Axis బ్యాంక్‌ కస్టమర్లకి ₹1,000 డిస్కౌంట్ లభిస్తుంది. ఈ ఫోన్‌ను శాంసంగ్ అధికారిక వెబ్‌సైట్‌, ఫ్లిప్‌కార్ట్‌లో ఆర్డర్ చేయొచ్చు.

ఇంత టాప్‌ క్లాస్ ఫీచర్లు, తక్కువ ధరలో లభించే ఈ ఫోన్‌ మిస్ అవ్వకండి. మీరు ఇప్పుడు ఆర్డర్ చేయకపోతే తర్వాత ఫోన్‌ స్టాక్ అవుట్ అయిపోవచ్చు. కావాలంటే వెంటనే డేట్‌ మార్క్ చేసుకోండి – జూలై 29!