Gold Price: బంగారం ధరలు ఢమాల్.. 90 టన్నుల బంగారాన్ని మార్కెట్లోకి వదిలిన చైనా..

ఈ ఏడాది మొదటి ఆరు నెలల్లో చైనా రికార్డు స్థాయిలో బంగారంపై పెట్టుబడులు పెట్టింది. అయితే జూన్ నెలలో మాత్రం బంగారంపై పెట్టుబడులను పూర్తిగా నిలిపివేసింది. వరల్డ్ గోల్డ్ కౌన్సిల్ నివేదిక ప్రకారం, 2025 మొదటి అర్ధభాగంలో చైనా 64 వేల కోట్ల రూపాయలకు పైగా బంగారం ETFలలో పెట్టుబడి పెట్టింది. ఇది దేశ చరిత్రలోనే అత్యధిక పెట్టుబడిగా నమోదైంది. దీంతో బంగారం ధరలు భారీగా పెరిగి సామాన్యులకు భారం అయ్యాయి. జూన్‌లో బంగారు ఆభరణాల హోల్‌సేల్ డిమాండ్ 10 శాతం తగ్గింది, ప్రజలు బంగారం కొనుగోలు చేయాలంటే భయపడే పరిస్థితి ఏర్పడింది.

ఈ పరిస్థితుల మధ్య, చైనా ఒక కీలక నిర్ణయం తీసుకుంది. జూన్‌లో చైనా 90 టన్నుల బంగారాన్ని మార్కెట్‌లో విక్రయించింది. దీంతో బంగారం లభ్యత భారీగా పెరుగుతుందని అంచనాలు వెలువడ్డాయి. ఫలితంగా, డిమాండ్ తగ్గి ధరలు కూడా గణనీయంగా తగ్గే అవకాశం ఉందని నిపుణులు అంచనా వేస్తున్నారు. ఈ పరిణామం పసిడి కొనుగోలుదారులకు శుభవార్తగా మారింది.

[news_related_post]

అయితే, చైనా మార్కెట్‌లోకి విడుదల చేసిన బంగారం గత 10 సంవత్సరాల సగటుతో పోలిస్తే తక్కువగానే ఉందని చెప్పుకోవచ్చు. ఈ సంవత్సరం మొదటి ఆరు నెలల్లో మొత్తం 678 టన్నుల బంగారం మాత్రమే విక్రయించబడింది. ఇది గత సంవత్సరంతో పోలిస్తే 18 శాతం తక్కువ. చైనా భారీ మొత్తంలో బంగారం నిల్వలను పెంచుకోవడంతో, 2025 మొదటి ఆరు నెలల్లో బంగారం ధరలు భారీగా పెరిగాయి. 2016 తర్వాత ఇంత వేగంగా ధరలు పెరగడం ఇదే మొదటిసారి.

చైనా సెంట్రల్ బ్యాంక్ (పీపుల్స్ బ్యాంక్ ఆఫ్ చైనా) వరుసగా 8వ నెలలో కూడా బంగారం కొనుగోలు చేసింది. ఈ సంవత్సరం మొదటి అర్ధభాగంలోనే 19 టన్నులు కొనుగోలు చేయడంతో, చైనా బంగారం నిల్వలు 2,299 టన్నులకు చేరుకున్నాయి. అయితే, 2025 మేలో చైనా 89 టన్నుల బంగారాన్ని మాత్రమే దిగుమతి చేసుకుంది. ఇది ఏప్రిల్‌తో పోలిస్తే 21 శాతం తక్కువ మరియు గత ఏడాది మేతో పోలిస్తే 31 శాతం తక్కువ. ఆభరణాల డిమాండ్ తగ్గడమే దీనికి ప్రధాన కారణం.

బంగారం ధర రూ.30 వేలు తగ్గే ఛాన్స్ ఉందా? భవిష్యత్తులో కొన్ని పరిస్థితులు ఏర్పడితే, సామాన్యులకు ఇది పండగే! చైనా ప్రజలు బంగారాన్ని కేవలం నగలుగా కాకుండా పెట్టుబడి సాధనంగా చూస్తున్నారు. దీంతో బంగారం సంబంధిత రంగాల్లో పెట్టుబడులు రికార్డు స్థాయిలో పెరుగుతున్నాయి. చైనా సెంట్రల్ బ్యాంక్ కొనుగోళ్లు కూడా బంగారాన్ని బలమైన పెట్టుబడి ఎంపికగా నిలబెడుతున్నాయి, ఇది ప్రపంచ డిమాండ్‌ను పెంచుతూ భారతీయ బంగారం ధరలను తీవ్రంగా ప్రభావితం చేస్తోంది. అయితే, ఒక మంచి వార్త ఏమిటంటే, వరల్డ్ గోల్డ్ కౌన్సిల్ ప్రకారం, పెరుగుతున్న అమెరికన్ డాలర్ విలువ మరియు ట్రెజరీ ఈల్డ్స్ కారణంగా బంగారం ధరలు తగ్గే అవకాశం ఉంది.

డిస్‌క్లైమర్: ఈ వ్యాసం కేవలం సమాచారం కోసం మాత్రమే అందించబడింది. ఇది విలువైన లోహాలు, వస్తువులు, స్టాక్‌లు లేదా ఇతర ఆర్థిక పెట్టుబడులను కొనుగోలు చేయమని లేదా అమ్మమని సూచించడం కాదు. కాబట్టి, మీరు ఏవైనా లావాదేవీలు జరిపే ముందు నిపుణులను సంప్రదించి నిర్ణయం తీసుకోండి.