మీరు భవిష్యత్తులో ఆర్థికంగా సురక్షితంగా ఉండాలంటే, ఎవరిపైన ఆధారపడకుండా స్వతంత్రంగా జీవించాలంటే, కోటీశ్వరుడు కావాలంటే… వెంటనే ఒక మంచి మార్గాన్ని ఎంచుకోవాలి. అదే “సిస్టమాటిక్ ఇన్వెస్ట్‌మెంట్ ప్లాన్” అంటే ఎస్ఐపీ. చిన్న మొత్తాలే పెట్టినా, ఎస్ఐపీ వల్ల మీరు పెద్ద మొత్తాన్ని సంపాదించవచ్చు. ఈ పోస్టులో, 10 ఏళ్లలో ₹1 కోటి ఎలా సంపాదించాలో తెలుసుకుందాం.
చిన్న చిన్న బిందువులే ఒక రోజు మహాసముద్రం అవుతాయన్న మాట గుర్తు ఉంది కదా? అలాగే, మీరు నెలకు కొద్దిగా సొమ్ము పెట్టుబడి పెడుతూ పోతే, భవిష్యత్తులో పెద్ద మొత్తం మీ చేతిలో ఉంటుంది. ఇప్పటి వరకు బ్యాంక్ ఫిక్స్‌డ్ డిపాజిట్లు, పోస్ట్ ఆఫీస్ స్కీములు వాడుతున్నవాళ్లు ఇప్పుడు మ్యూచువల్ ఫండ్స్ వైపు మొగ్గుతున్నారు. ఎందుకంటే అవి మంచి రాబడులు ఇస్తున్నాయి. నిర్వహణ కూడా సులభంగా ఉంటుంది. దీర్ఘకాలికంగా ఆదాయాన్ని పెంచుకోవడంలో ఇవి బాగా ఉపయోగపడతాయి.
మ్యూచువల్ ఫండ్స్ లో పెట్టుబడి పెట్టడానికి సిస్టమాటిక్ ఇన్వెస్ట్‌మెంట్ ప్లాన్ అనే మార్గం ఉంటుంది. దీనిలో ప్రతి నెల ఒక నిర్దిష్ట మొత్తం పెట్టాలి. ఈ పెట్టుబడికి సగటుగా ఏడాదికి 12% వరకు వడ్డీ లభించవచ్చు. ఇది షేర్ మార్కెట్ పనితీరుపై ఆధారపడి ఉంటుంది.
[news_related_post]మీరు 10 ఏళ్లలో ₹1 కోటి సంపాదించాలని భావిస్తే, నెలకు ₹43,500 పెట్టుబడి పెట్టాలి. మీరు మొత్తం 120 నెలలు అంటే 10 సంవత్సరాలు ఈ మొత్తాన్ని వేసినట్లయితే, మీ మొత్తం పెట్టుబడి ₹52,20,000 అవుతుంది. ఈ పెట్టుబడి మీద అంచనా ప్రకారం ₹48,86,749 లాభం లభించవచ్చు. అప్పుడు మొత్తం మీ ఖాతాలో వచ్చే మొత్తం ₹1,01,06,749 అవుతుంది. అంటే మీరు కోటీశ్వరుడు అయిపోతారు.
మీ ఆదాయం తక్కువగా ఉంటే నెలకు ₹43,500 వేట్తలేరు. అలాంటప్పుడు Step-Up SIP అనే విధానం ఉంది. ఇందులో మీరు చిన్న మొత్తంతో ప్రారంభించి, ప్రతి సంవత్సరం దానిని పెంచుకుంటూ పోవచ్చు. ఉదాహరణకు, మీరు మొదటి సంవత్సరం నెలకు ₹30,000 పెట్టి, ప్రతి సంవత్సరం దానిని 10% పెంచితే… మొత్తం 10 సంవత్సరాల్లో మీరు ₹57,37,472 పెట్టుబడి పెడతారు. దీనిపై ₹43,85,505 రాబడి వస్తుంది. అంటే మొత్తం ₹1,01,22,978 మీ ఖాతాలోకి వస్తుంది. ఇది కూడా ₹1 కోటి పైగా అవుతుంది.
మీ ఆదాయం ఇప్పుడే బాగా ఉంటే, నెలకు ₹43,500 పెట్టగలిగితే, రెగ్యులర్ ఎస్ఐపీ పథకం మిక్కిలి మంచిది. అయితే మీ ఆదాయం ప్రతి ఏడాది కొంచెం పెరుగుతూ వస్తుంటే, Step-Up SIP ఎక్కువ ఉపయోగపడుతుంది. ఎందుకంటే మీరు ఆ ఏడాది లో తగినంత పెరిగిన ఆదాయంతో, పెరిగిన పెట్టుబడి పెట్టగలుగుతారు. దీని వల్ల ఆఖరికి మీకి భారీ లాభం వస్తుంది.
ఈ లెక్కలు అన్నీ అంచనాలు మాత్రమే. అసలు ఫలితాలు మార్కెట్ రీటర్న్స్ మీద ఆధారపడతాయి. అలాగే ఇన్‌ఫ్లేషన్ (ధరల పెరుగుదల), పన్నులు వంటివి ఇందులో పరిగణలోకి తీసుకోలేదు. అందువల్ల ఎప్పుడూ పెట్టుబడి పెట్టేముందు ఫైనాన్షియల్ ఎక్స్‌పర్ట్ సలహా తీసుకోండి.
ఇప్పుడు మీరు ప్రారంభించకపోతే, రేపటికి కోటి వేలు అవుతుంది. నెలకు ₹30,000 లేదా ₹43,500 పెట్టగలిగితే మీ భవిష్యత్తు ఖచ్చితంగా సురక్షితంగా ఉంటుంది. ఇది మీరు మీ కుటుంబానికి ఇవ్వగలిగే అతి గొప్ప గిఫ్ట్.
