ఈ రోజుల్లో ఎక్కువ మంది తమ రైలు టికెట్లు ఆన్‌లైన్‌లోనే బుక్ చేస్తున్నారు. ఇలాంటి సమయంలో మీరు కూడా ఐఆర్సీటీసీ ద్వారా అధికారిక రైలు టికెట్ ఏజెంట్‌గా మారి నెలకి మంచి ఆదాయం సంపాదించవచ్చు. ఇది ప్రభుత్వరంగ సంస్థ అయిన రైల్వేతో కలిసి చేసే ఒక చిన్న బిజినెస్ లాంటి అవకాశమే. చాలా తక్కువ పెట్టుబడి పెట్టి, కనీసం ₹20,000 నుండి ₹30,000 వరకు నెలవారీగా సంపాదించవచ్చు.
రైల్వే ఉద్యోగం కోసం ఎంతో మంది యువత ఏళ్లపాటు కష్టపడి పరీక్షలు రాస్తుంటారు. కానీ ఆ ఉద్యోగం రాకపోయినా, మీరు రైల్వేతో పనిచేసే అవకాశం ఈ టికెట్ బుకింగ్ ఏజెంట్ ద్వారా అందుతుంది. ప్రభుత్వంతో కలిసి పని చేయడమే కాకుండా, ప్రజలకు సేవ చేస్తూ ఆదాయం పొందొచ్చు. చాలా మంది గ్రామాలలో, చిన్న పట్టణాలలో ఈ అవకాశం వినియోగించుకుంటూ ఉన్నత జీవితం గడుపుతున్నారు.
రైల్వే టికెట్ బుకింగ్ ఏజెంట్‌గా పని చేయాలంటే ముందుగా మీరు ఐఆర్సీటీసీ వెబ్‌సైట్‌లో రిజిస్ట్రేషన్ చేసుకోవాలి. ఇది పూర్తిగా ఆన్‌లైన్ ద్వారా జరుగుతుంది. మీరు ఏజెంట్‌గా నమోదు అయిన తర్వాత మీకు ప్రత్యేక ఐడీ ఇస్తారు. దీని ద్వారా మీరు టికెట్లు బుక్ చేయవచ్చు. టికెట్ బుక్ చేసిన ప్రతిసారీ మీరు కమిషన్ రూపంలో డబ్బు పొందుతారు.
[news_related_post]ఈ బిజినెస్ ప్రారంభించేందుకు మీరు సంవత్సరానికి కేవలం ₹2,400 నుండి ₹8,000 వరకు మాత్రమే చెల్లించాలి. ఇది మీ ఎంపిక చేసిన ప్లాన్ మీద ఆధారపడి ఉంటుంది. బేసిక్ ప్లాన్, ప్రీమియం ప్లాన్, డైరెక్ట్ ఐఆర్సీటీసీ ఏజెంట్, ప్రిన్సిపల్ సర్వీస్ ప్రొవైడర్ వంటి విభిన్న ఆప్షన్లు అందుబాటులో ఉన్నాయి. అంతేకాదు, ఒకసారి రిజిస్ట్రేషన్ కోసం మీరు ₹30,000 ప్లస్ సర్వీస్ ట్యాక్స్ చెల్లించాలి. ఇందులో ₹20,000 మీ మెంబర్‌షిప్ క్యాన్సిల్ చేసినప్పుడు తిరిగి వస్తుంది.
ప్రతి టికెట్ మీద మీరు కమిషన్ సంపాదించవచ్చు. నాన్-ఏసీ టికెట్‌కు ₹20, ఏసీ టికెట్‌కు ₹40 వరకు మీకు వస్తుంది. మీరు నెలకి 101 టికెట్లు బుకింగ్ చేస్తే ఒక్క టికెట్‌కు ₹8 చెల్లించాల్సి ఉంటుంది. కానీ 300 టికెట్లకు మించి బుక్ చేస్తే, ఒక్క టికెట్‌పై కేవలం ₹5 మాత్రమే ఫీజుగా ఇవ్వాల్సి ఉంటుంది. అదనంగా, మీరు బుక్ చేసిన టికెట్ మొత్తం మీద 1% అదనపు కమిషన్ కూడా వస్తుంది. దీనిపై ఎటువంటి రోజువారీ పరిమితి ఉండదు. అంటే రోజుకి ఎంత మందికైనా టికెట్లు బుక్ చేయవచ్చు.
ముందుగా మీరు ఐఆర్సీటీసీ అధికారిక వెబ్‌సైట్‌కి వెళ్లి అప్లికేషన్ ఫారం నింపాలి. దానిని సైన్ చేసి స్కాన్ చేసి ఐఆర్సీటీసీకి పంపాలి. వారు మీ డాక్యుమెంట్లు వెరిఫై చేసిన తర్వాత, ₹1,180 చెల్లించి మీ IRCTC ఏజెంట్ ఐడీ క్రియేట్ చేయాలి. తర్వాత ఓటీపీ మరియు వీడియో వెరిఫికేషన్ పూర్తి చేస్తే డిజిటల్ సర్టిఫికేట్ ఇస్తారు. ఈ సర్టిఫికేట్ వచ్చిన తర్వాత మీ IRCTC ఫీజు చెల్లించాలి. ఆ తర్వాత మీకు అధికారిక లాగిన్ డిటెయిల్స్ ఇస్తారు. అప్పుడు మీరు పూర్తిగా టికెట్ ఏజెంట్‌గా పనిచేయవచ్చు.
మీరు పాన్ కార్డ్, ఆధార్ కార్డ్, మొబైల్ నంబర్, ఇమెయిల్ ఐడీ, పాస్‌పోర్ట్ సైజ్ ఫోటో, అడ్రస్ ప్రూఫ్, డిక్లరేషన్ ఫారం మరియు అప్లికేషన్ ఫారం ఇవ్వాలి. ఇవి అన్నీ అవసరం అవుతాయి ఐఆర్సీటీసీ డాక్యుమెంట్ వెరిఫికేషన్ సమయంలో.
మీ దగ్గర చిన్న కంప్యూటర్, ఇంటర్నెట్ కనెక్షన్, ప్రింటర్ ఉంటే చాలు. ఈ టికెట్ బుకింగ్ బిజినెస్ మొదలుపెట్టి నెలకి ₹30,000 వరకు సంపాదించవచ్చు. ఇప్పుడు గ్రామాలు, పట్టణాల్లో పెద్ద ఎత్తున ప్రజలు ఆన్‌లైన్ టికెట్ బుకింగ్ కోసం ఏజెంట్లనే ఆశ్రయిస్తున్నారు. అలాంటి సమయంలో ఈ అవకాశం మీ భవిష్యత్తు మారుస్తుంది. ఇంకా ఆలోచించకండి. వెంటనే ఐఆర్సీటీసీకి అప్లై చేయండి.
