మన జీవితంలో వృద్ధాప్యం అనేది ఒక సందర్భం. పని చేయలేని వయస్సు. ఆ సమయంలో మన అవసరాలు తక్కువగా ఉండవు కానీ ఆదాయం ఉండదు. ఎవ్వరూ ఉద్యోగం చేయలేరు, వ్యాపారం నిర్వహించలేరు. అప్పుడు మనం బతకడానికి కావలసిన డబ్బు మన చేతిలో ఉండాలి. అందుకే వృద్ధాప్యాన్ని పని చేస్తున్న సమయంలో నుంచే ప్లాన్ చేయాలి.
అంటే, యువతలో ఉండగానే మన ఫైనాన్షియల్ ప్లానింగ్ మొదలుపెట్టాలి. కానీ చాలా మందికి ఒక పెద్ద తప్పుదొర్లే ఆలోచన ఉంటుంది – “ఒక్కసారి రూ.1 కోటి సేవ్ చేస్తే జీవితాంతం చాలు” అనే ధోరణి. కానీ ఇది వాస్తవానికి సరైంది కాదు. ఎందుకంటే, నేటి రూపాయికి రేపటి విలువ ఉండదు. దీనిని అర్థం చేసుకోవాలంటే మనం ‘Rule of 70’ అనే ఒక సింపుల్ కాన్సెప్ట్‌ను తెలుసుకోవాలి.
ఇన్ఫ్లేషన్ అంటే ఏంటో తెలిసిందే. ధరలు రోజు రోజుకి పెరుగుతాయి. నేటి రూ.100 రేపటి రూ.100 లా ఉండదు. అదే లాజిక్ మన సేవింగ్స్‌కి కూడా వర్తిస్తుంది. మన దగ్గర ఇప్పుడు ఉన్న డబ్బు విలువ, 15-20 ఏళ్ల తర్వాత తగ్గిపోతుంది. దీనిని అర్థం చేసుకునేందుకు ‘Rule of 70’ ఉపయోగపడుతుంది.
[news_related_post]ఈ రూల్ ప్రకారం, మనం ప్రస్తుత ఇన్ఫ్లేషన్ రేటును 70తో భాగిస్తే, మన డబ్బు విలువ అరసేరయ్యే సమయం ఎంత అనే విషయం తెలుస్తుంది. ఉదాహరణకు, ప్రస్తుత ఇన్ఫ్లేషన్ రేటు 4% అనుకుంటే – 70/4 = 17.5. అంటే 17.5 ఏళ్లలో మీరు కలిగి ఉన్న డబ్బు విలువ సగానికి తగ్గిపోతుంది.
మీ వద్ద ఇప్పుడు రూ.1 కోటి ఉందని అనుకుందాం. అది నేడు మీకు జీవనం సాగించేందుకు సరిపోతుంది. కానీ 17.5 ఏళ్ల తర్వాత అదే జీవన స్థితి కొనసాగించాలంటే, మీకు రూ.2 కోట్లు అవసరం అవుతుంది. ఎందుకంటే ఆ సమయానికి మీ రూ.1 కోట్ల విలువ కేవలం రూ.50 లక్షల లాంటి‌దే అవుతుంది.
చాలా మంది “నేను ప్రతి నెలా కొన్ని వేల రూపాయలు పొదుపు చేస్తుంటే చాలు” అని అనుకుంటారు. కానీ అది సరిపోదు. ఎందుకంటే ఇన్ఫ్లేషన్ మన డబ్బు విలువను తినేస్తుంది. కాబట్టి మీరు కేవలం పొదుపు చేస్తే సరిపోదు. మీరు ఎక్కడ పెట్టుబడి పెడుతున్నారు? ఎంత వడ్డీ వస్తుంది? మీరు తీసుకునే రిస్క్ ఎంత? ఇవన్నీ మన సొంత ప్లానింగ్‌లో భాగం కావాలి.
మీరు ఉద్యోగం ప్రారంభించిన వెంటనే పొదుపు చేయడం మొదలుపెట్టాలి. ప్రతినెల మీ జీతంలో కనీసం 20% ని రిటైర్మెంట్ ఫండ్‌కి కేటాయించాలి. ఇది చిన్న మొత్తంగా అనిపించవచ్చు. కానీ దీన్ని నెలలుగా, సంవత్సరాలుగా మీరు కొనసాగిస్తే, అది పెద్ద మొత్తంగా మారుతుంది. ప్రతి నెలా రూ.5,000 మీరు పొదుపు చేస్తే – 15 ఏళ్లకు దాదాపు రూ.20 లక్షలు, లేదా 20 ఏళ్లకు రూ.40 లక్షలు వచ్చే అవకాశం ఉంటుంది (వడ్డీతో పాటు). దీన్ని పెంచాలంటే SIP, PPF, Mutual Funds వంటి స్కీమ్స్‌లో పెట్టుబడి పెట్టాలి. ఇవి మార్కెట్ ఆధారంగా పనిచేసే స్మార్ట్ ఇన్వెస్ట్‌మెంట్ ఆప్షన్లు.
నేటి నుంచే మీరు ఈ పద్ధతిలో ప్లాన్ చేయడం ప్రారంభిస్తే, రిటైర్మెంట్ సమయానికి మీ చేతిలో ₹1 కోటి మాత్రమే కాకుండా, ₹2 కోట్లు – ₹3 కోట్లు కూడా ఉండే అవకాశం ఉంటుంది. మీరు వయస్సు మీదపడిన తర్వాత, ఎవరి మీద ఆధారపడకుండా, మీ డబ్బుతో మీరు మీ జీవితాన్ని సంతృప్తిగా గడపవచ్చు.
నాలుగైదేళ్లలో డబ్బు డబుల్ అవుతుందన్న మాటలు మనం వింటాం. కానీ అదే డబ్బు విలువ ఎలా సగానికి తగ్గిపోతుందో కూడా తెలుసుకోవాలి. Rule of 70 ఈ విషయాన్ని బాగా అర్థం చేయగలదు. ఈ రూల్‌కి అనుగుణంగా ఇప్పుడు నుంచే పొదుపు చేయడం మొదలుపెట్టండి. అవసరమైనపుడు డబ్బు లేక గుడిసెలో కూర్చోవడం కాకుండా, డబ్బుతో గౌరవంగా జీవించాలి అంటే ఫైనాన్షియల్ ప్లానింగ్ తప్పనిసరి. ఇక ఆలస్యం చేయకండి. ప్రతి నెలా కనీసం ₹5,000 – ₹10,000 మధ్యలో పోగేసుకుంటే, మీరు 20 ఏళ్ల తర్వాత రూ.1 కోటి కాదు, రూ.2 కోట్లు సైతం సులభంగా పొందగలరు. .
