తెలంగాణ ప్రభుత్వం పేద కుటుంబాలకు మరో శుభవార్త ఇచ్చింది. ఎంతోకాలంగా కొత్త రేషన్ కార్డుల కోసం ఎదురుచూస్తున్నవారికి ఇది నిజమైన గుడ్ న్యూస్. ఈ సారి 2.4 లక్షల కొత్త రేషన్ కార్డులు మంజూరు చేశారు. ముఖ్యమంత్రి రేవంత్ రెడ్డి జూలై 14న ఈ కార్డులను పంపిణీ చేయనున్నారు. మొదటి కార్యక్రమం సూర్యాపేట జిల్లా తుంగతుర్తిలో ప్రారంభం కానుంది.
ఈ కొత్త రేషన్ కార్డుల పంపిణీని ప్రతి నియోజకవర్గంలో మంత్రులు, ఎమ్మెల్యేలు నిర్వహించనున్నారు. ఇప్పటివరకు లబ్ధిదారుల జాబితాను పౌర సరఫరాల శాఖ తయారు చేసి, సీఎం కార్యాలయానికి పంపించింది. ప్రస్తుతం పేపర్ రూపంలో కార్డులు అందించనున్నారు. త్వరలోనే స్మార్ట్ కార్డులు కూడా అందుబాటులోకి రానున్నాయి.
మీరు గతంలో రేషన్ కార్డు కోసం అప్లై చేశారా? మీ అప్లికేషన్ ఎలాంటి స్థితిలో ఉందో తెలుసుకోవడం చాలా ఈజీ. ఇంటి నుంచే ఫోన్‌లో చెక్ చేసుకోవచ్చు. Telangana రాష్ట్ర రేషన్ అధికారిక వెబ్‌సైట్ అయిన https://epds.telangana.gov.in/FoodSecurityAct/ కి వెళ్ళండి. అక్కడ FSC Application Search అనే ఆప్షన్‌ను ఎంచుకుని మీ జిల్లా పేరు, అప్లికేషన్ నంబర్ టైప్ చేసి, Search బటన్ నొక్కండి. Approved అనే స్టేటస్ ఉంటే, మీ పేరు లబ్ధిదారుల జాబితాలో ఉందని అర్థం.
[news_related_post]మీకు ఇంటర్నెట్ లేని పక్షంలో, దగ్గర్లో ఉన్న రేషన్ దుకాణానికి వెళ్లి మీ ఆధార్ నంబర్ చెప్పండి. అక్కడ కూడా వారు మీ కార్డు స్టేటస్ చెప్తారు. ఇది పూర్తిగా ఉచిత సేవ. ఎవరైనా డబ్బులు అడిగితే వారిని నమ్మవద్దు.
ఈ కొత్త రేషన్ కార్డుతో మీరు ఎంతో లాభం పొందగలుగుతారు. తక్కువ ధరకు బియ్యం, గ్యాస్ కనెక్షన్, ఆరోగ్య బీమా, మహిళా పథకాలలో ప్రాధాన్యత, పిల్లలకు స్కాలర్షిప్‌లు, ఉద్యోగ అవకాశాలు వంటి అనేక ప్రభుత్వ పథకాల కోసం మీకు ఇది అవసరం.
ఇక మీరు అప్లై చేసిన రేషన్ కార్డు వస్తుందా లేదా అని అనుమానపడే పని లేదు. వెంటనే వెబ్‌సైట్ ఓపెన్ చేసి చెక్ చేయండి. మీ పేరు ఉంటే జూలై 14న జరిగే పంపిణీ కార్యక్రమానికి హాజరవ్వండి. ఆలస్యం చేస్తే మీ అవకాశం పోతుంది. ఇక ఆలస్యం ఎందుకు? ఫోన్ తీయండి, చెక్ చేయండి!
