ఈ రోజుల్లో ప్రతి ఒక్కరు భవిష్యత్తు కోసం కాస్త పొదుపుగా ఉండాలని చూస్తున్నారు. కానీ, వేతనంతో మాత్రమే పెద్ద లక్ష్యాలను చేరుకోవడం కష్టం. అందుకే కొంతమంది మ్యూచువల్ ఫండ్స్‌లో SIP పెట్టుబడి చేస్తుంటారు. కానీ చాలామందికి రిస్క్ తీసుకోవడం ఇష్టం ఉండదు. అసలు నష్టం లేకుండా, మన డబ్బు భద్రంగా ఉండేలా ఓ సురక్షిత పెట్టుబడి అవకాశాన్ని కోరుకుంటారు. అలాంటి వారికోసం పోస్టాఫీస్‌లో ఒక అద్భుతమైన స్కీమ్ అందుబాటులో ఉంది.
ఈ స్కీమ్‌లో ఒకసారి మాత్రమే డబ్బు పెట్టుబడి పెడితే చాలు. తర్వాతి ఐదేళ్ల పాటు వడ్డీ రూపంలోనే ₹82,000 సంపాదించవచ్చు. దీని గురించి పూర్తిగా తెలుసుకుంటే మీరు కూడా ఇదే మార్గాన్ని ఎంచుకుంటారు.
ఈ స్కీమ్ పేరు సీనియర్ సిటిజన్ సేవింగ్స్ స్కీమ్ (SCSS). ఇది కేంద్ర ప్రభుత్వ మద్దతుతో నడిచే ఒక సురక్షిత పెట్టుబడి పథకం. ప్రత్యేకంగా 60 ఏళ్లు పైబడ్డ వయోజనుల కోసం రూపొందించబడింది. మీ తండ్రికి లేదా తాతకు ఈ అకౌంట్ ఓపెన్ చేస్తే వారి ఆర్థిక భద్రత పక్కాగా ఉంటుంది.
[news_related_post]ఈ స్కీమ్‌లో ఖాతా ప్రారంభించడానికి కనీస వయస్సు 60 ఏళ్లు ఉండాలి. కనీస పెట్టుబడి ₹1,000. గరిష్ఠంగా ₹30 లక్షలు వరకు పెట్టుబడి పెట్టొచ్చు. ఈ పథకం కాల పరిమితి 5 సంవత్సరాలు. అయితే, మీరు మరో 3 సంవత్సరాలు పొడిగించుకోవచ్చు. ప్రతి మూడునెలలకు ఒకసారి వడ్డీ చెల్లింపు జరుగుతుంది. ప్రస్తుతం ఈ స్కీమ్‌లో 8.2% వార్షిక వడ్డీ అందుతుంది. మీరు వడ్డీని ప్రతి మూడు నెలలకు ఒకసారి ఖాతాలో పొందవచ్చు. లేదా సంవత్సరాంతంలో మొత్తం వడ్డీని కూడా తీసుకోవచ్చు.
పదవీ విరమణ పొందిన సివిలియన్ ఉద్యోగులు (55-60 సంవత్సరాల వయస్సులో ఉన్నవారు) రిటైర్మెంట్ తర్వాత 1 నెలలో పెట్టుబడి చేస్తే ఈ స్కీమ్‌కు అర్హులు. రక్షణ శాఖ ఉద్యోగులు 50 నుంచి 60 సంవత్సరాల మధ్య వయస్సులో ఉంటే, వారూ ఈ పథకంలో భాగం కావచ్చు. అయితే, వీరికి కూడా రిటైర్మెంట్ వచ్చిన తర్వాత ఒక నెల లోపలే పెట్టుబడి చేయాలి.
ఈ స్కీమ్‌లో పెట్టుబడి చేసిన మొత్తం పై ఇన్కమ్ టాక్స్ చట్టంలోని 80C సెక్షన్ కింద ₹1.5 లక్షల వరకు పన్ను మినహాయింపు లభిస్తుంది. కానీ, మీరు మధ్యలో ఖాతాను మూసివేయాలనుకుంటే కొన్ని కట్టుబాట్లు ఉన్నాయి. ఒక ఏడాది లోపే ఖాతాను మూసేస్తే వడ్డీ ఏమీ లభించదు. ఇప్పటివరకు ఇచ్చిన వడ్డీ మొత్తం తిరిగి తీసుకుంటారు. ఒక సంవత్సరం తర్వాత కానీ రెండేళ్లలోపు మూసేస్తే మొత్తం principalపై 1.5% పెనాల్టీ విధిస్తారు. రెండు సంవత్సరాల తర్వాత కానీ ఐదేళ్లలోపు మూసేస్తే 1% పెనాల్టీ ఉంటుంది. ఐదేళ్ల తర్వాత పొడిగించిన తర్వాత ఒక సంవత్సరం గడిస్తే మాత్రం ఏ కట్టుబాట్లూ ఉండవు.
ఒకరు ₹2 లక్షలు ఈ స్కీమ్‌లో ఒక్కసారిగా పెట్టుబడి పెడితే, 8.2% వడ్డీ రేటుతో 5 ఏళ్లలో దాదాపు ₹82,000 వడ్డీ పొందవచ్చు. అంటే, మొత్తం ₹2,82,000 మీ చేతికి వస్తుంది. వడ్డీ మూడు నెలలకు ఒకసారి వస్తుంది. అంటే ప్రతి త్రైమాసికానికి సుమారు ₹4,099 వడ్డీ లభిస్తుంది. ఇది నిరంతరం వచ్చే ఆదాయంలా పనిచేస్తుంది.
ఈ రోజుల్లో ఎంతోమంది మ్యూచువల్ ఫండ్స్, షేర్లలో పెట్టుబడి పెడుతున్నా కూడా, భద్రతను కోరే పెద్దవాళ్లు ఈ స్కీమ్‌ను ఎంచుకుంటున్నారు. ప్రభుత్వ హామీతో వడ్డీ రాబడి లభించడంతోపాటు టాక్స్ మినహాయింపు కూడా లభిస్తుంది. అందుకే మీరు లేదా మీ కుటుంబంలో ఉన్న పెద్దవాళ్లు భద్రతగా డబ్బు పెరగాలనుకుంటే, ఈ సీనియర్ సిటిజన్ సేవింగ్స్ స్కీమ్ ఉత్తమమైన ఎంపిక అవుతుంది. ఈ స్కీమ్ ద్వారా రెగ్యులర్ ఆదాయంతో పాటు సురక్షిత భవిష్యత్తుకి మార్గం వేసుకోవచ్చు.
