కానీ కేవలం అద్దాలు ధరిస్తే సరిపోదు. దృష్టిని పెంచేందుకు ప్రత్యేక శ్రద్ధ వహించాలి. రోజు ఉదయం నిద్రలేచిన వెంటనే కొన్ని పనులు చేయడం వల్ల మీ కంటి చూపు మెరుగుపడుతుంది. మనం కొన్ని అలవాట్లు అలుసుకున్నా కంటి సమస్యలు మెల్లగా తగ్గిపోతాయి. ఇప్పుడు, వీటిని పాటించడం వల్ల మీ కంటి ఆరోగ్యం ఎలా మెరుగు పడుతుందో చూద్దాం.

ఉదయం కళ్ళను చల్లటి నీటితో కడుక్కోవడం

ప్రతి రోజు ఉదయం నిద్రలేచిన వెంటనే, ముఖం కడుక్కోకుండానే కళ్ళను చల్లటి నీటితో కడుక్కోవడం చాలా ముఖ్యం. ఇది కళ్ళపై ఒత్తిడిని తగ్గించడంలో, రక్తప్రసరణను మెరుగుపరచడంలో సహాయపడుతుంది. అలా చేయడం వల్ల కళ్ళకు తాజాదనం వస్తుంది. ఇది వాపు, ఆందోళన మరియు పొడిగా ఉండే సమస్యలు తగ్గించడానికి సహాయపడుతుంది. ఉదయం కళ్ళను చల్లటి నీటితో కడుక్కోవడం దృష్టిని మెరుగుపరచడానికి ఎంతో ప్రయోజనకరం.

Related News

స్వల్పంగా సూర్య కిరణాలను చూడటం

సూర్యోదయం సమయంలో కొన్ని సెకన్ల పాటు సూర్యకిరణాలను చూడడం కంటి కండరాలను బలపరిచే పని చేస్తుంది. ఇది కళ్ళను పోషించడంలో సహాయపడుతుంది. ఉదయం సూర్యకిరణాలు తక్కువగా ఉండటంతో, మీ కంటి కండరాలు బలపడి, దృష్టి పెరిగే అవకాశం ఉంటుంది. అయితే, ఈ ప్రక్రియను చాలా జాగ్రత్తగా చేయాలి. సూర్యోదయానికి 10-15 నిమిషాల ముందు ఈ అలవాటును పాటించడం చాలా ముఖ్యమైంది. ఇది కంటికి సహజమైన శక్తిని అందించడంలో సహాయపడుతుంది.

త్రాటక సాధన

కంటి చూపును మెరుగుపర్చడానికి త్రాటక సాధన చాలా గొప్ప సాధన. త్రాటక అంటే ఒకే బిందువు లేదా చిహ్నం పై దృష్టిని కేంద్రీకరించడం. ఉదాహరణకు, మీరు ఒక నలుపు చుక్క లేదా ఒక కొవ్వొత్తి జ్వాలను నిలకడగా, రెప్పలను వేసుకోవడం లేకుండా చూడాలి. ఇది కంటి కండరాలను బలపరిచే విధంగా పనిచేస్తుంది. కంటి ఏకాగ్రతను పెంచడంలో సహాయపడుతుంది. అలాగే, మీరు కళ్ళు కదిలించకుండా ఒక నిర్దిష్ట స్థలాన్ని చూడటం ద్వారా మీరు దృష్టిని పెంచుకోవచ్చు.

కళ్ళకు వ్యాయామాలు మరియు యోగా

ఉదయం నిద్రలేచిన వెంటనే కంటి వ్యాయామాలు చేయడం దృష్టిని మెరుగుపరచడానికి సహాయపడుతుంది. ముఖ్యంగా కళ్ళను పైకి, క్రిందికి, కుడి, ఎడమవైపు కదిలించడం ద్వారా కంటి కండరాలు బలపడతాయి. అలాగే, రెప్పలను వేయడం కూడా కంటికి ఎంతో ప్రయోజనకరంగా ఉంటుంది. కళ్ళకు సరైన వ్యాయామాలు చేస్తే కంటి సమస్యలు తగ్గిపోతాయి. కంటి యోగా మరియు శ్వాస వ్యాయామాలు కూడా కంటి ఆరోగ్యాన్ని మెరుగుపరచడంలో సహాయపడతాయి. ఉదయాన్నే ఈ చిట్కాలను పాటించడం వల్ల మిమ్మల్ని మీరు మరింత ఉత్సాహంగా, శక్తివంతంగా భావిస్తారు.

బాదం, పటిక బెల్లం, సోంపు పొడి తీసుకోవడం

ఆయుర్వేదం ప్రకారం, బాదం, పటిక బెల్లం, సోంపు పొడి వంటివి కలిపి తీసుకోవడం కంటి ఆరోగ్యానికి మంచిది. మీరు ఈ మిశ్రమాన్ని ఒక టీస్పూన్ చొప్పున, గోరువెచ్చని పాలతో తీసుకుంటే దృష్టి మెరుగుపడుతుంది. ఈ మిశ్రమంలో పోషకాలు, విటమిన్లు, ఖనిజాలు కంటి కండరాల ఆరోగ్యాన్ని మెరుగుపరచడంలో సహాయపడతాయి. అలాగే, ఈ ఆహారాలను రోజూ తీసుకోవడం వల్ల కంటి సమస్యలు తలెత్తకుండా ఉండవచ్చు.

ఆహారపు అలవాట్లను మార్చడం

సరైన ఆహారం కూడా కంటి ఆరోగ్యాన్ని మెరుగు పర్చడంలో కీలకపాత్ర పోషిస్తుంది. కంటి ఆరోగ్యానికి సంబంధించిన పోషకాలు అందించే ఆహారాలను తీసుకోవడం చాలా ముఖ్యం. వీటిలో విటమిన్ A, C, E, జింక్, ఒమేగా-3 ఫ్యాటీ ఆమ్లాలు ముఖ్యమైనవి. కూరగాయలు, పండ్లు, గోధుమలు, మాంసాహారం, చేపలు వంటి ఆహారాలు కంటి ఆరోగ్యాన్ని పెంచడంలో కీలకంగా పనిచేస్తాయి.

స్మార్ట్‌ఫోన్, కంప్యూటర్ ఉపయోగం తగ్గించడం

ఇప్పుడు ఎక్కువగా వాడే స్మార్ట్‌ఫోన్, కంప్యూటర్ లాంటి డిజిటల్ డివైజ్‌లు మన కంటి ఆరోగ్యంపై భారీగా ప్రభావం చూపిస్తాయి. కంటిని ఎక్కువ సేపు స్క్రీన్ ముందు ఉంచడం వల్ల కంటి సమస్యలు వస్తాయి. కంటికి నిద్ర, విశ్రాంతి అవసరం. కనుక ప్రతి గంటకు కొద్దిసేపు స్మార్ట్‌ఫోన్ లేదా కంప్యూటర్ నుండి దూరంగా ఉండటం చాలా ముఖ్యం. కంటికి విశ్రాంతి ఇవ్వడం ద్వారా కంటి అంగాలు తిరిగి శక్తిని పొందుతాయి.

గమనిక

ఈ సింపుల్ చిట్కాలు అనుసరిస్తే మీ కంటి ఆరోగ్యాన్ని మెరుగుపరచుకోవచ్చు. కానీ మరిన్ని ఏవైనా కంటి సమస్యలు ఉన్నట్లయితే, మీరు డాక్టర్‌ను సంప్రదించడం మంచిది. అలా చేయడం ద్వారా కంటి ఆరోగ్యాన్ని మెరుగుపరచుకోవచ్చు.