ప్రస్తుత పరిస్థితిలో ‘ఆశికా గ్లోబల్ ఫ్యామిలీ ఆఫీస్ సర్వీసెస్’ పెట్టుబడిదారులకు అనేక సూచనలు చేసింది. ప్రపంచ రాజకీయ, భౌగోళిక రాజకీయ అనిశ్చితుల మధ్య బంగారంలో పెట్టుబడులను పెంచాలని సూచించింది. కరెన్సీ విలువలు పడిపోయినప్పుడు, ద్రవ్యోల్బణం పెరిగినప్పుడు బంగారంలో పెట్టుబడి పెట్టడం ఒక హెడ్జ్‌గా పనిచేస్తుందని పేర్కొంది.
ఆషికా గ్లోబల్ భారత ఈక్విటీ మార్కెట్ల గురించి ఆశాజనకంగా ఉంది. లార్జ్-క్యాప్ స్టాక్‌ల, కొన్ని అధిక-వృద్ధి చెందుతున్న మిడ్-క్యాప్ కంపెనీలలో అవకాశాలకు ప్రాధాన్యత ఇచ్చింది. అయితే, US టెక్నాలజీ స్టాక్‌లలో జాగ్రత్తగా ఉండాలని సూచించింది. ఆ రంగంలో వాల్యుయేషన్ చాలా ఎక్కువగా ఉందని, సమీప భవిష్యత్తులో తగ్గుదల ఉండే అవకాశం ఉందని హెచ్చరించింది.
‘ఆశికా గ్లోబల్ ఫ్యామిలీ ఆఫీస్ సర్వీసెస్’ ఇచ్చిన వివరాల ప్రకారం.. భారతదేశం ప్రపంచంలో అత్యంత వేగంగా అభివృద్ధి చెందుతున్న ఆర్థిక వ్యవస్థలలో ఒకటి. దేశంలోని యువ జనాభా, పెరుగుతున్న మధ్యతరగతి ఆర్థిక వృద్ధికి దోహదపడుతోంది. భారతదేశ స్టాక్ మార్కెట్ క్యాపిటలైజేషన్ $5.6 ట్రిలియన్లకు చేరుకుంది. ఇది ప్రపంచంలో నాల్గవ అతిపెద్ద ఈక్విటీ మార్కెట్‌గా నిలిచింది. 2024-25 ఆర్థిక సంవత్సరంలో భారతదేశం 7% GDP వృద్ధి రేటును సాధించనుంది. దేశంలోని 6,000 కంటే ఎక్కువ లిస్టెడ్ కంపెనీలు, 9 మిలియన్ల చిన్న, మధ్య తరహా సంస్థలు ఆర్థిక వ్యవస్థను బలోపేతం చేస్తున్నాయి.
[news_related_post]2024లోనే భారత కంపెనీలు మూలధన మార్కెట్ల ద్వారా $40 బిలియన్లను సేకరించాయి. ఇది పెట్టుబడిదారుల విశ్వాసానికి ఒక ఉదాహరణ. అంతేకాకుండా, 2024లో భారతదేశానికి విదేశీ చెల్లింపులు (ప్రవాసులు పంపిన డబ్బు) $124 బిలియన్లుగా నమోదయ్యాయి.
దేశ ఆర్థిక వ్యవస్థ బలం పెరుగుతోందని ఇది చూపిస్తుంది. బంగారంతో పాటు, రియల్ ఎస్టేట్ ధరలు 2020 నుండి 80% , 150% మధ్య పెరిగాయి. అంతర్జాతీయ కేంద్ర బ్యాంకులు US ట్రెజరీలపై ఆధారపడటాన్ని తగ్గించి, వాటి బంగారు నిల్వలను 30 సంవత్సరాల గరిష్ట స్థాయికి పెంచాయి.
పెరుగుతున్న అప్పు
అమెరికా ప్రభుత్వం ఆర్థిక అస్థిరతను ఎదుర్కొంటోంది. ప్రస్తుతం ఫెడరల్ రుణం $36 ట్రిలియన్లను దాటింది. ఇది కేవలం ఒక సంవత్సరంలో $4 ట్రిలియన్లు పెరిగింది. 2025 నాటికి, US ప్రభుత్వ ఆదాయంలో 28% వడ్డీ చెల్లింపులకు మాత్రమే వెళ్లే అవకాశం ఉంది. ఇది దీర్ఘకాలిక ఆర్థిక స్థిరత్వం గురించి ఆందోళనలను లేవనెత్తుతుంది.
US స్టాక్ మార్కెట్ విలువలు ప్రమాదకర స్థాయికి చేరుకున్నాయి. నాస్డాక్-100 ప్రస్తుతం 34 P/E నిష్పత్తితో ట్రేడవుతోంది. దీని అర్థం దాని ఆదాయ రాబడి కేవలం 2.9% మాత్రమే. రస్సెల్ 2000 సూచికలోని దాదాపు 45% కంపెనీలు నష్టపోతూనే ఉన్నాయి.
మరోవైపు.. రష్యా-ఉక్రెయిన్ యుద్ధం నేపథ్యంలో US రష్యన్ నిల్వల నుండి $300 బిలియన్లను స్తంభింపజేయడం ప్రపంచ మార్కెట్లలో ఆందోళనలకు కారణమైంది. ఈ చర్య ప్రపంచవ్యాప్తంగా అనేక దేశాలకు హెచ్చరికగా మారింది. ఫలితంగా వారు డాలర్ విలువ కలిగిన ఆస్తులలో తమ పెట్టుబడులను పునఃపరిశీలిస్తున్నారు.
ప్రపంచ ఆర్థిక వ్యవస్థలో మార్పులు వేగంగా జరుగుతున్నాయి. బంగారం, భారతీయ స్టాక్‌లు వంటి ఆస్తులు గణనీయమైన వృద్ధిని చూపిస్తున్నప్పటికీ, US స్టాక్ మార్కెట్, డాలర్ ఆధారిత ఆర్థిక వ్యవస్థలు ఒత్తిడిలో ఉన్నాయి. దీర్ఘకాలిక పెట్టుబడిదారులు ఈ మార్పులను గమనించి వారి వ్యూహాలను తిరిగి అంచనా వేయాలి.
