ప్రముఖ స్మార్ట్‌ఫోన్ బ్రాండ్ శామ్‌సంగ్ తన కొత్త M-సిరీస్ మోడళ్లను భారత మార్కెట్లో విడుదల చేసింది. కంపెనీ మీడియాటెక్ డైమెన్సిటీ 6300 చిప్‌లతో గెలాక్సీ M06 5G, గెలాక్సీ M16 5G స్మార్ట్‌ఫోన్‌లను విడుదల చేసింది. వీటిలో M06 5G స్మార్ట్‌ఫోన్ 4GB, 6GB RAMతో రెండు వేరియంట్‌లలో వస్తుంది. వాటి ధరలు రూ. 9,999, రూ. 11,4999 అని కంపెనీ తెలిపింది. రెండూ 128GB నిల్వతో వస్తాయి. లాంచింగ్ ఆఫర్ కింద, ఈ ఫోన్‌ల కొనుగోలుపై రూ. 500 క్యాష్‌బ్యాక్ ఆఫర్ అందుబాటులో ఉంటుంది. ఈ స్మార్ట్‌ఫోన్ అమ్మకాలు మార్చి 7 నుండి ఈ-కామర్స్ ప్లాట్‌ఫామ్ అమెజాన్‌లో అందుబాటులో ఉంటాయి.
M16 5G స్మార్ట్‌ఫోన్ మూడు వేరియంట్‌లలో లభిస్తుంది. 4GB RAM ఉన్న వేరియంట్ ధర రూ. 12,499, 6GB వేరియంట్ ధర రూ. 13,999, 8GB వేరియంట్ ధర రూ. 15,499. ఈ మూడు వేరియంట్లు 128GB స్టోరేజ్‌తో అందుబాటులో ఉన్నాయి. లాంచ్ ఆఫర్‌లో భాగంగా కంపెనీ రూ. 1,000 క్యాష్‌బ్యాక్‌ను అందిస్తోంది. ఇవి మార్చి 5 నుండి అమెజాన్‌లో అమ్మకానికి వస్తాయి. ఫీచర్ల విషయానికొస్తే, ఇది 25 వాట్ల ఫాస్ట్ వైర్డ్ ఛార్జింగ్‌కు మద్దతు ఇస్తుందని మరియు 50MP ప్రైమరీ కెమెరా, సెల్ఫీలు, వీడియో కాల్‌ల కోసం 8MP కెమెరాతో వస్తుందని కంపెనీ వెల్లడించింది.
