దాదాపు దశాబ్ద కాలం తర్వాత మళ్లీ ఒక ఏడాది బ్యాచిలర్ ఆఫ్ ఎడ్యుకేషన్ (బీఈడీ)కోర్సును ప్రవేశపెట్టే అవకాశాలు ఉన్నాయని నేషనల్ కౌన్సిలర్ ఫర్ టీచర్ ఎడ్యుకేషన్ నిర్ణయించింది. ఈ మేరకు ఇటీవల జరిగిన ఎన్ సిటిఈ పాలకమండలి సమావేశంలో చైర్మన్ పంకజ్ అరోరా వెల్లడించారు. ఒక ఏడాది బీఈడీ కోర్సు సహా ఇతర కోర్సులకు సంబంధించిన నిబంధనలను ఖరారు చేసేందుకు 8 మంది సభ్యులతో ఒక కమిటీని సోమవారం ఏర్పాటు చేశారు. బీఈడీ కోర్స్ నాలుగేళ్ల అండర్ గ్రాడ్యుయేట్ లేదా రెండేళ్లు పోస్ట్ గ్రాడ్యుయేట్ పూర్తి చేసిన విద్యార్థులకు వర్తించనుంది. మూడేళ్ల డిగ్రీ చేసిన వారు ఈ కోర్స్ చేసేందుకు అర్హులు కాదు. అయితే, పాఠశాలలో విద్య నాణ్యత ప్రమాణాలు పెంచాలన్నలక్ష్యంతో 2014 ఏడాది డిసెంబర్ లో కేంద్రం బిఈడి కోర్సు ను నిలిపివేస్తూ ఉత్తర్వులు జారీ చేసిన విషయం తెలిసిందే.
